رد: اكتبو هنا ل (طف الحسين ع)
من اروع ماكتب الشاعر السيد عبد الخالق المحنه
ها عباس
ها عباس
تكعد لو اصب دمعي واغرك منحرك وارجع
تكعد لو ارد لسكينه اكللها نخيته وما قبل يفزع
تكعد لو اصيح ااااااااااااه واخلي شامتي يسمع
تكعد لو اطك وجهي بيمينك وانسطر واوكع
تكعد لو اون يمك ونين مخدره وحره وبين الغرب تطلع
تكعد لو اشدن معصبي بسيفك واهوس داير المصرع
تكعد لو اصيحن اني اخت عباس اخت العافني بغربه وعليه الناس تجمع
تكعد لو اضل اعتبب لحد ما روحي تتكطع
تكعد لو اصيحن يا شمر بالسوط لوعني حتى كبالك اتلوع
تكعد لو ارد وحدي بظلام الليل وادري اعداك تتبع
ارد لو ما ارد شتكول انه بس يمك اتخضع
ياهو الجان اني وامشي بين اجناب
ياهو الجان اني وخدري يسلب
ياهو الجان اني وانضرب وانسب
ياهو الجان اني وتشوف طولي الناس
والمفروظ حتى حجابي يتحجب
ياهو الجان اني وامشي ويه انذال
ياهو الجان اني وراسي يترب
ياهو الجان اني وصار ياهو الجان يم زينب يجي ويكرب
ها عباس حدي انداس اجيت وخيمتي تلهب
ياهو الجان اني وصدر اخوي حسين صار لخيلهم ملعب
ها عباس هم السوط يتلوه على متني وفوكها اتغرب
نايم واني راح امشي يسيره مجتفه وانحب
انه زينب انه سامحني الوضع يصعب
انه زينب وتلك حدود الله وانه حدود الرب
اذا طاحت عباتي يطيح ستر الله ويفرع حيدر ويغضب
يالمعتب يالمجرب يالمتعب ولا تتعب
انه بنت اليسل سيفه وتصيح الوادم المهرب
انه بنت الشطر مرحب وجيتك شايله المعصب
ها عباس من يمته ترد مطلب
وحكك شاب راسي والكلب شيب
تكعد لو ارد مكسورة الخاطر حزينه بهمي اتكبع
يبو الغيره الدموع ثكال وانت يجرحك المدمع
شصير اني ادور هاي اسكت ذاك اصبر احرس وامنع
يعباس الدمع ملهوف بس صار العتب اسرع
بنات حسين مرعوبات وجفوف الشمر تصفع
ها عباس يعني عتابي ما ينفع
تكعد لو اصب دمعي واغرك منحرك وارجع
