اكتب بالقصيده امحلل او ماهوب

[آهات حالمه]

شعديلك ..؟!
تعال و جيبلي بجاهك
اذن طرشه واعديلك

تعال وجيبلي بجاهك
كلب ينسى واعديلك

تعال بجاهك و وجهك ..
يهلبت تلگه لجروحي
الدوه اليرهم و اعديلك

وانه ادريك ..
سفينة وتايه البحار يا فشلة عمر يالما دوتلك نار

شعدي من السوالف ذيج
اهن اثنين اهن عشرة ..
اهن و شما اعد احتار مجنون اليعد بردي

نسيت منين احد حدي العبر حدي
ولك و شما غرفت بزود مدك وشلت مدي

تعال ولا تودي طروش
اگابحهم مثل ما گابح عيونك ضوه عيوني

مثل ما گابح سنينك عفه سنيني
مثل ما گابحت وياي احجي البيني وبينك

تره انه من ارد اشد وياك اظل احجي ..
يذلة عزتي بشانك ..
يشين اتلايم بشينك ..

تعال ولا تودي طروش
ولا مكتوب ما ينفع حجي الطارش ..

ولا وصفة بسطر مكتوب
خايف من تلاگيني
ولك مبخوت موش انه اليدور بالچتل ثاره

وحگ دم الشرب من دمه بسماره
لون بالموت ادور ثار
لا شهريت لا حسيت لا بالدار متغنيت

لا غنوة ينجمة وحلم جا سمعيت ..
لا روجات المشرح ..
و حگ من گال : يا ثلج الي ما وچيت ...

لوبالثار .. ادور ثار
اخلي الماسمع يسمع
وطش چكليت

ما هدد ولا من شيمتي اتشيّم
ولا من هزه أتلايم

ولا أركس
طبع نشمي
اليشد اصوابه بحزامه
او يكص ابهام ملدوغه

ولا يردس
أو اكتب بالقصيده
امحلل او ماهوب

بس غصبن علي عديت
مو منك خفت

حته انت لو فرعون
خايف من عذاب
النازعات
المرسلات
الناشطات
المدبرات…
أتصيبني…

أوتحرك بگايه البيت








شاكر الخباز

 

[الرااااكد]

طرح طيب
اهات حالمه
سسلمت يمينك

 

[آهات حالمه]

اسعدني وشرفني المرور العطر
لاحرمت الطله الجميله
ودي وتقديري