الحُسين اعظم درس بالتضحيات
قــــــــاوم اعــدائــه ولا فــكًــــر يــمِل
إله مكتوبه الشهاده من زمــان
الشهاده مو حَجِي كَول وفعِل
شلون يِرضه الذٍلًه يِنصاع ليَزيد
اويَزيد بُعُمرَه مــا مــالك عَـقَـل
وهو ابن بنت الرسول ابن الاإمام
وهو سيد الناس ابن أصل وفصِل
راد يقضي عالظُــلم والظالمين
راد يِمحي الظُلمه ويجيب الفجِر
إنتصر بالدم على سيوف الطُغاة
اختار مقعد صِدق عِند المُقتَدِر
حَشِـــدًو يـــردون تطبيــــق العـــداله
ويا عَدَاله اتكُون وَيْ سيف الشِمر
بــــاعو الدين بخيــــانه وكبريــــاء
وظنهم يخذلوه بالصد والهجِر
ما يهاب الموت عالحق والكرامه
اخذ روحه واهله بالســـاحه نِزَل
الله وصــــانه نِغَيًـــــر المنكـــرات
واليقَدم الروح هذا احسن عَمَل
قاوم بسبعين جيش الحاقِدين
وحَقنه من انكَول سيدنه بطَل
إلي يأمُر ينقطــع راس الحُسين
شنو عُذره ايكون لو سار الجبَل
ظنهم يردوه بشُربَة مَيْ قليـــل
ليش هو المَيْ يِحتاجَه البَحَر؟
منو يرضه يكون سَيٍد عالإمام
وهو أصل الدين والعِز والفخَر
واجب اعلينه نِحِب آل الرسول
إلي جَدهم بصبَعَه انشق الَقمر
ويُبقه حق احسين عِند المسلمين
سيٍد الجنًــه وابــــن أعـــظَــم بَشَـــــر
محبتي للجميع
