الدنيا غبرة..

[رمااد اانسان]

الدنيا غبرة....
أكو واحد يگول العصر طلعت اني وجماعتي لاحدى المقاهي الموجوده في المدينه
وچان اكو حجي چبير بالعمر عليه علامات الوقار گاعد بالگهوه وهذا الحجي من يدخل للمقهى ويسلم يگعد ويظل يحچي ويه روحه يگول (الدنيا غبره)
ويردد بيها دائما.... يوم من الايام چان گاعد هذا الولد ايضآ في المقهى وسمع الحجي يگول الدنيا غبره قرر هذا الولد يگعد يم الحجي حتى يفتهم سالفته راح
وگعد يمه وسأله گله حجي ليش تردد دائما الدنيا غبره
مع العلم الدنيا بعدها بخير ولو خليت قلبت
گله وليدي مادامك سألتني راح اجاوبك بصراحه
الدنيا غبره .. من گامت الناس ماتحكم بالحظ والبخت
الدنيا غبرة من تتعب على الصديق وتضحيله وبعدين يغدرك ويدور بس مصلحته
الدنيا غبره من صار الساقط يحترم
والشريف محارب وكلهه ضده
الدنيا غبره يوليدي .. من صارت الناس اتصور شلون ياكل الخطار
و على اساس هو معزب ويصور صواني خطاره و ينشر
الدنيا غبره .. من گامت تفتك الكبار والي تخيط الزغار
الدنيا غبره..من صار الجار مايحترم جاره والاخو يبيع اخوه
الدنيا غبره..من صارت المره تشارك الزلم بالمجالس
الدنيا غبره..من صار كل شي مباح وماكو لا حرمه لبيوت الله ولاخصوصيه
الدنيا غبره..من گامت اهل الشهادات تشتغل عماله
الدنيا غبره ..من صارت الدنيا كل شي فلوس لامبادئ تحكمها ولاقيم
الدنيا غبره ..من صار المسؤول الحرامي تتلگاه بعض الشيوخ وتهوسله على المالات
الدنيا غبره ..من صار الجبان يهدد الشجاع ....
هسه افتهمت يابويه
وهنه هواي ولو اظل اسولفلك للصبح مااخلص
بس اوصيك يابويه بأثنين
گله شنو هذني حجي
گله (المستحه) ومخافة الله لان المايستحي كلشي يسوي وماينعرف جذبة من صدكه والمايخاف الله لاتامنه لان من الله مايخاف قابل يخاف منك......وسلامتكم

 

[الرااااكد]

تسلم الايادي
اخ رماد
دمت بوود

 

[آهات حالمه]

يا لروعة حوار الشايب وكلماته التي تصف حال واقعنا بدقة!
وصية ذهبية (المستحى ومخافة الله) تختصر كل القيم.
تسلم الأيادي على هذا النقل الراقي.

 

[Retaj Al-Hassan]

عآآشـت آلآيآدي

يسـلمـووو ع النقل