الدنيا مو دنية عشك يبن الحلال
لا تخلينة بمحبتك ننجبر
انت ابن العافيةوابن الدلال
واحنه ولد الموت ربانه الفقر
بينه وبينك فرق كلش جبير
وما نكول اسباب كل هذا الفرق
وما نكمل السالفة الحد الاخير
امن الاساس وياك مسدودة الطرق
وياك ما نرهم وما ترهم محال
ويانه ما تكدر تدوم وتستمر
وباهو كلك بالسهل درب الوصال
وانت تدري دروبنة مورثة جمر
منين اجيت وبالعشك عندك يقين
منين اجيت وياهو سوالك درب
انطيني مهلة وخل اشوفن دربي زين
وخل اشوف انوب هم اكدر احب
كلبي تيهته وشرد ما ادري وين
وانه صار اسنين ما عندي كلب
وخالي كلبك وانت بعيونك جمال
كل جمال الكون يمك يعتذر
نبع شفتك يعني كلماتك زلال
والعطش بالروح تاركم جم فطر
منين اجيبنلك خلك يرهم عليك
وانت اية امن الحسن واحلا الدلع
وانه يا فرحة الاحطه ابين اديك
وانه بجفوفي عمر شلت الوجع
حتى ما عندي ابتسامة امنرد اجيك
وليش تشلع كلبك بكلب انشلع
وليش تطلع خاسر ومشلول حال
وتترك الضحكة وعليمن تنقهر
راجع افكارك بعد عندك مجال
ليش بيه تريد كلبك ينكسر
ادري بيك تحبني ما داعي الكلام
وادري بدموعك صدك تبجيلي
من تجيني لا تكلمني بغرام
عفية عوف الشوك لا تحجيلي
انه ليلي بلاية واهس ما انام
اشلون لو صرت انت واهس ليلي
واشلون لو حبيت طولك والخصال
واشلون لو باجر تروح وتعتذر
هم ترد لمن اكللك تعال
وتنتضر لمن اكلك انتضر
احنه عدنه الحب يعني الحب عذاب
ولازم امن ننحب نذب بالحب فلك
ولازم نحب باب بيتك والتراب
ونحب كلشي العايد وراجع الك
ونحب ناسك كلها شيب اوبة الشباب
ولازم نحب كل عمامك وي هلك
ولازم نحبك نحب الخال خال
وكل هذني شوية لتكول اشكثر
احنه ما عدنا العشك صفنة وخيال
احنه من نحب نطك وننفجر
نخاف من حبك لان حبك جديد
ذهب جنه وياهو اليشوفة انعجب
والمشاعر (فقرة) (معضدها) حديد
وانت يم (الفقرة) لا تطلع الذهب
وياك ما نصقل بعد لا ما نعيد
عوفنه ولتكول بينولي السبب
احنه ما عدنه جواب لاي سوال
لان من شفناك تيهنا الفكر
هم شفت فد يوم كالو للدلال
ليش متحملة حضن نار الجمر
الدنية مو دنية عشك يبن الحلال
لا تخلينة بمحبتك ننجبر
انت ابن العافية وابن الدلال
واحنه ولد الموت ربانه الفقر
لا تخلينة بمحبتك ننجبر
انت ابن العافيةوابن الدلال
واحنه ولد الموت ربانه الفقر
بينه وبينك فرق كلش جبير
وما نكول اسباب كل هذا الفرق
وما نكمل السالفة الحد الاخير
امن الاساس وياك مسدودة الطرق
وياك ما نرهم وما ترهم محال
ويانه ما تكدر تدوم وتستمر
وباهو كلك بالسهل درب الوصال
وانت تدري دروبنة مورثة جمر
منين اجيت وبالعشك عندك يقين
منين اجيت وياهو سوالك درب
انطيني مهلة وخل اشوفن دربي زين
وخل اشوف انوب هم اكدر احب
كلبي تيهته وشرد ما ادري وين
وانه صار اسنين ما عندي كلب
وخالي كلبك وانت بعيونك جمال
كل جمال الكون يمك يعتذر
نبع شفتك يعني كلماتك زلال
والعطش بالروح تاركم جم فطر
منين اجيبنلك خلك يرهم عليك
وانت اية امن الحسن واحلا الدلع
وانه يا فرحة الاحطه ابين اديك
وانه بجفوفي عمر شلت الوجع
حتى ما عندي ابتسامة امنرد اجيك
وليش تشلع كلبك بكلب انشلع
وليش تطلع خاسر ومشلول حال
وتترك الضحكة وعليمن تنقهر
راجع افكارك بعد عندك مجال
ليش بيه تريد كلبك ينكسر
ادري بيك تحبني ما داعي الكلام
وادري بدموعك صدك تبجيلي
من تجيني لا تكلمني بغرام
عفية عوف الشوك لا تحجيلي
انه ليلي بلاية واهس ما انام
اشلون لو صرت انت واهس ليلي
واشلون لو حبيت طولك والخصال
واشلون لو باجر تروح وتعتذر
هم ترد لمن اكللك تعال
وتنتضر لمن اكلك انتضر
احنه عدنه الحب يعني الحب عذاب
ولازم امن ننحب نذب بالحب فلك
ولازم نحب باب بيتك والتراب
ونحب كلشي العايد وراجع الك
ونحب ناسك كلها شيب اوبة الشباب
ولازم نحب كل عمامك وي هلك
ولازم نحبك نحب الخال خال
وكل هذني شوية لتكول اشكثر
احنه ما عدنا العشك صفنة وخيال
احنه من نحب نطك وننفجر
نخاف من حبك لان حبك جديد
ذهب جنه وياهو اليشوفة انعجب
والمشاعر (فقرة) (معضدها) حديد
وانت يم (الفقرة) لا تطلع الذهب
وياك ما نصقل بعد لا ما نعيد
عوفنه ولتكول بينولي السبب
احنه ما عدنه جواب لاي سوال
لان من شفناك تيهنا الفكر
هم شفت فد يوم كالو للدلال
ليش متحملة حضن نار الجمر
الدنية مو دنية عشك يبن الحلال
لا تخلينة بمحبتك ننجبر
انت ابن العافية وابن الدلال
واحنه ولد الموت ربانه الفقر
