الشاعر ﻣﻈﻔﺮ ﺍﻟﻨﻮﺍﺏ ياريحان شكد ندى

[Ahmad Al-malki]

ﻳﺎﺭﻳﺤﺎﻥ ﺷﻌﺮ ﺷﻌﺒﻲ ﻟﻠﺸﺎﻋﺮ ﻣﻈﻔﺮ ﺍﻟﻨﻮﺍﺏ
ﺃﺷﻜﺪ ﻧﺪﻩ . . .
ﻧﻜﻂ ﻋﻠﻰ ﺍﻟﻀﻠﻊ
ﻭﻧﺴﻴﺖ ﺃﻛﻠﻚ . . ﻳﻤﺘﻪ
ﺃﺷﻜﺪ ﺭﺍﺯﻗﻲ ﻭﻧﻴﻤﺘﻪ
ﻭﺃﺷﻜﺜﺮ ﻫﺠﺮﻙ ﻋﺎﺷﺮ
ﻟﻴﺎﻟﻲ ﺍﻟﻬﻮﻯ ﻭﻣﺎ ﻟﻤﺘﻪ
ﻟﻤﻦ ﺳﺤﻨﺖ ﺍﻟﻠﻴﻞ
ﺑﻜﻠﻴﺒﻲ
ﻭﻛﻠﺖ ﻣﻮﺵ ﺃﻧﺖ
**********
ﻳﺎﻣﻪ ﺍﻟﺘﺮﺍﺟﻲ ﻣﺮﺟﺤﻦ
ﺣﺴﻚ ﺍﻟﺼﺎﻓﻲ ﻭﻏﻔﻪ
ﻭﻳﺎﻣﻪ ﺍﻟﺪﻣﻊ ﺿﻮﻩ ﺳﻮﺍﺩ ﺍﻟﻌﻴﻮﻥ
ﺟﺎﻧﺐ ﺗﺮﻓﻪ
ﻭﺗﺪﺭﻱ ﺗﻨﻴﺖ ﺍﻟﺪﻓﻮ
ﺑﻠﻬﻔﻪ ﻭﺭﺩﻩ
ﻭﻣﺎ ﺟﻴﺖ ﻭﻧﻴﻤﻨﻲ ﺍﻟﺜﻠﺞ . . .
ﻭﺍﻟﺸﺘﻪ ﻛﻠﻪ ﺃﺗﻌﺪﻩ
ﻻ ﺑﺎﻟﻤﺤﻄﺔ ﺭﻑ ﺿﻮﻩ ﻭ ﻻﺧﻂ ﺟﺎﻧﻪ ﻣﻦ ﺍﻟﺒﻌﺪ
ﻻ ﺭﻳﻞ ﻣﺮ ﻋﻠﻰ ﺍﻟﺴﺪﻩ
ﻭﺍﻟﺸﺘﻪ ﻛﻠﻪ ﺗﻌﺪﻩ ﻛﻠﻪ ﺗﻌﺪﻩ
ﻭﺃﻋﻠﻜﻨﻪ ﻟﻠﺼﻴﻒ ﺍﻟﻴﺠﻲ
ﺭﻭﺍﺯﻳﻨﻪ ﺍﻟﺴﻤﺮﻩ . . .
ﺷﻤﻊ
ﻣﻦ ﻳﻨﺰﻝ ﺃﻭﻝ ﺍﻟﺪﻓﻮ ﺑﻨﻴﺴﺎﻥ
ﻳﻬﺘﺰ ﻧﺒﻊ
ﻳﻤﻜﻦ ﻳﺨﻀﺮ ﺩﻣﻊ . . .
ﻳﻤﻜﻦ ﺑﻌﺪ ﺑﺎﻟﺮﻭﺡ ﻳﺎ ﺭﻳﺤﺎﻥ ﻭﺻﻠﺔ ﺗﻨﺰﺭﻉ
ﻭﺍﻟﻜﻴﻆ ﺃﺟﺎﻧﻪ ﻭﺃﻧﻜﻀﻪ ﻭﺭﺩ ﺃﻧﻜﻀﻪ
ﻭﺭﺩ ﻛﻴﻆ ﺃﺟﻪ
ﻭﺍﻟﺰﻟﻒ ﻫﺠﺮﻙ ﻓﻀﻔﻀﻪ
ﻭﺭﺩ ﻓﻀﻔﻀﻪ
ﻭﻣﺎ ﻣﺶ ﺭﺟﻪ
*********
ﻭﻟﺴﺎﻉ ﻣﻦ ﻫﻤﺴﻪ ﺟﻲ ﻣﻦ ﺑﻌﻴﺪ
ﻳﺨﻀﺮ ﺩﻣﻊ
ﻛﻞ ﻧﺴﻤﺔ ﺗﺮﻓﻪ ﻣﻦ ﺗﻔﻚ ﺍﻟﺒﺎﺏ
ﻳﺨﻨﻜﻨﻲ ﺍﻟﺪﻣﻊ
ﻟﺴﺎﻉ . . ﻭﻟﺬﺗﻨﻪ ﺃﻧﻜﻀﺖ
ﺃﻫﺠﺲ ﻋﻠﻰ ﺍﻟﻜﺼﺎﻳﺐ ﺷﻤﻊ
ﻭﺭﺩﻭﺩ ﺃﻛﻠﻚ . . ﻳﻤﺘﻪ ؟؟
ﺃﺷﻜﺪ ﺭﺍﺯﻗﻲ
ﻭﻧﻴﻤﺘﻪ
ﺃﻣﻠﻨﻲ ﻳﺴﻤﺮ ﺑﻴﻚ
ﻛﻞ ﻋﻤﺮﻱ ﺃﻧﻜﻀﻪ ﻭﺃﻣﻠﺘﻪ
ﺣﺘﻪ ﺧﻴﺎﻟﻚ ﺑﺎﻟﺤﻠﻢ
ﺧﺎﻳﻒ ﻳﺠﻲ ﻭﺃﻣﻨﺘﻪ
***********
ﻛﻞ ﻟﺤﻈﺔ ﻣﻦ ﻫﺬﺍ ﺍﻟﻌﻤﺮ
ﻭﻋﺖ ﺣﺴﺎﻓﻪ ﺑﻜﻠﺒﻲ
ﻳﺎ ﺃﻭﻝ ﺍﻟﺮﻳﺤﺎﻥ ﻳﻠﻌﻄﻴﺖ
ﻧﻮﺑﻪ ﺑﺪﺭﻭﺑﻲ
ﻳﺎ ﺁﺧﺮ ﺳﻮﺍﺟﻲ ﺣﻨﻴﻨﻲ ﻭﺣﺒﻲ
ﻣﻦ ﻳﻮﻡ ﻃﻴﻔﻚ ﻫﺠﺮ ﻧﻮﻣﻲ ﻣﺎ ﻧﻤﺖ
ﺣﻨﻴﺔ ﻳﺎ ﺟﺬﺍﺏ ﻣﻨﻚ
ﻣﺎ ﺷﻔﺖ
ﻣﻦ ﻇﻨﻲ ﻛﻀﻚ ﺑﺎﻟﺤﻠﻢ
ﻋﻨﺒﺮ ﻓﺤﺖ
ﻣﻦ ﺭﺩﺕ ﺃﺟﻴﺴﻚ ﺟﺴﺖ ﺭﻭﺣﻲ
ﻭﻓﺮﻓﺤﺖ
ﺃﺗﺮﻑ ﻣﻦ ﺃﺟﻔﺎﻑ ﺍﻟﻤﻬﺮ
ﻗﻨﺪﻭﻥ . . . ﻣﺎ ﺿﺎﻳﻚ ﺷﻜﺮ
ﻳﺎ ﺣﻠﻮ ﻳﺎ ﺑﻮﺳﺔ ﺳﻬﺮ . . .
ﻳﺎ ﺗﺮﻑ ﻳﺎ ﻳﻴﺰﻱ ﻗﻬﺮ
ﺷﻴﻀﺮﻙ . . ﺑﻜﻞ ﺷﺘﻪ ﺍﻟﻮﻟﻬﺎﻥ
ﻟﻮ ﺻﺤﻮﺓ ﻣﻄﺮ ؟
ﻭﺍﻟﺸﺘﻪ ﻛﻠﻪ ﺗﻌﺪﻩ
ﻭﺍﻟﻜﻴﻆ ﻫﻢ ﺃﺗﻌﺪﻩ
ﺷﺠﺎﺏ ﺍﻟﻌﺸﻚ ؟ ﻭﺃﺷﻮﺩﻩ ؟
ﻻ ﺑﺎﻟﻤﺤﻄﺔ ﺭﻑ ﺿﻮﻩ . . .
ﻻ ﺧﻂ ﺃﺟﺎﻧﻪ ﻣﻦ ﺍﻟﺒﻌﺪ
ﻻ ﺭﻳﻞ ﻣﺮ ﻋﻠﻰ ﺍﻟﺴﺪﻩ
**********
ﻭﻟﺴﺎﻉ . . . ﻣﺸﺪﻭﺩﻩ ﺷﺒﻜﺘﻚ
ﻋﻞ ﺍﻟﺨﺼﺮ
ﻭﺍﻟﺮﻛﺒﻪ ﻣﻦ ﺗﻠﺘﺎﻑ ﻟﻠﺒﻮﺳﻪ
ﺟﺴﺮ
ﺑﺲ ﺃﻧﺖ ﺗﺪﺭﻱ ﺷﻠﻮﻥ ﺭﺻﻌﺔ ﺑﺎﻟﻨﺤﺮ
ﻭﺍﻟﺸﺘﻪ ﺷﺎﻳﻞ ﺷﻠﻴﻠﻪ
ﻣﻦ ﻳﻤﻨﻪ ﻭﻋﺒﺮ
ﻭﺍﺳﺄﻟﺘﻪ ﻳﺎ ﺷﺘﻪ ﺍﻟﻌﺸﺎﻙ
ﻣﺎ ﻋﻨﺪﻙ ﺧﺒﺮ
ﻟﻚ ﻳﺎ ﺷﺘﻪ ﺍﻟﻌﺸﺎﻙ ﻣﺎ ﻋﻨﺪﻙ ﺧﺒﺮ ؟
ﻭﺍﻟﻠﻴﻞ ﺃﺟﺎﻧﻪ ﻭﺃﻧﻜﻀﻪ ﻭﺭﺩ ﺃﻧﻜﻀﻪ
ﻭﺭﺩ ﻛﻴﻆ ﺃﺟﻪ
ﻭﺍﻟﺰﻟﻒ ﻫﺠﺮﻙ ﻓﻀﻔﻀﻪ
ﻭﺭﺩ ﻓﻀﻔﻀﻪ
ﻭﻣﺎ ﻣﺶ ﺭﺟﻪ

 

[ألـــــ غصة ـــــــم]

[BGCOLOR=rgb(0, 0, 0)]طرح في غايه آلروعه وآلجمال[/BGCOLOR]
[BGCOLOR=rgb(0, 0, 0)]سلمت آناملك على الانتقاء الاكثر من رائع
ولاحرمنا جديدك القادم والشيق
ونحن له بالإنتظار,,~[/BGCOLOR]