الصفنه تاخذ حيل فكري بلا شعور

[الرااااكد]

الصفنه تاخذ حيل فكري بلا شعور
وياحلاة الصفنه من تتبع هواك
بيك صاير واهسي وخلگي زغير
ومارهم للناس بس انته اشتهاك
الناس البصفي شكثر بس انته غير
عيني ماشافت ولاوحد سواك
هيه فترة عشرتك جانت حروف
ومن خلال سوالفك گلبي اعتناك
الشيب البراسي عشگ مدري ارتجال
انته هم شيب البخت مثلي لفاك؟
گبل لاعرفك بليله براسي ليل
والفجر باض الشعر بس من وراك
اخ من ليل الشته وتفكيري بيك
بيش تگضي اليل وبرودة شتاك.
م ن

​

 

[آهات حالمه]

الله على روعة الكلمات وجمال الإحساس بالقصيدة.
اختيار مميز جداً ويلامس القلوب المشتاقة.
شكراً جزيلاً لك ع هذا الطرح الراقّي،
ودمت بخير وتألق مستمر في كل أقسام المنتدى.

 

[الرااااكد]

الله يسعدك على المرور
القيم آهات حالمه
شاكر لك مرورك القيم
وإضافتك الطيبه