العازة

[ابو مناف البصري]

العازه بس وياي دبرتها دبره
خلتني افوت وگوف من نخت الابره

يمي العازه ناخت وبنختها
صفت وياي خاله وبنختها
شزغره نخت الابره وبنختها
افوتن بي گمت مفتوحه اديه

وي اهلي ملك الموت كون اعله هونه
ظل الگطن للضيم ينگلب لونه

المنايا گصن بأهلي والگطنهم
طن هم گمت ازيحه والگطنهم
الي الصفاف ذوبل والگطنهم
ولونه اسود گلب ع الصار بيه

بأهل الربع محتار والبيه بيه
سبهم شكرهم صار واجب عليه

شحبلهم بحيره شكرهلهم
اثق بيهم عليه شكرهلهم
هسه الوجب سبهم شكرهلهم!؟
حيره وظاله بكل وكت بيه

أيعابي الله وكتي وياي سواله دگه
ضحك عليه الچان صاير مدگه

يبتوت الگلب مامش خللچان
لذلك طلع للوادم خللچان
يعابيه الله ياوكتي خللچان
عليه تضحك الوادم شمت بيه

مو گتلي اتيه وياك من كونك اتيه
تضحك علي وتگول للوادم اشبيه

ثلث اوكات دلالي سونتيه
ومامش سبب للونه سونتيه
يل دگيتلي صدرك سونتيه
تهت وحدي وضحك سنك عليه

الشامت بطعنات ظهري وتونس
بيهن عزف نغمات ظل يبچي الاخرس

اعله سابع جار بغيابك عمناي
تعال وشوف طعناتك عمناي
الشامت من طعن ظهري عمناي
وللمنكوب يعزف گام بيه
سرمد طاهر

 

[الشيخ]

سطور جميله

شكرا ابو مناف