الغروب

[ورد ورد]

الغروب
سمير صبيح

اويلي اعلى اليحب والعاشگه بعيد
دخيل الله شيسوي بحاله الغروب
ينهش حصته ويذبه لليل
هو يذوب سكتة وشمعته تذوب
ينحط بقبص وگبال بستان
يردم بالقفص ويطيح ويلوب
يضل ينعى نواعي الغاضريات
اذا ينعن يهدن حيل الگلوب
ويمر وجه اليحبه شراع والريح
تبعده، ومايشوفه بروج محجوب
لوما صورته بألبوم الأحلام
ما چان انطبع بالروح محبوب
المصبرك شنو مادام تعذيب
يسألني الظنون شبيك متتوب
أهز إيدي واگلهن ماكو ربحان
إذا عفته أنغلب ويروح مغلوب
ولأن ماكو وفاء بهاي الأيام
وطبع بية من أحب ما اشيل مذبوب
ولأن عِشرة زرعتها وگاعها الروح
من أول ما بدت لليوم متعوب
حرگ دم وصبر وآهات ودموع
وسلب راحة وسهر والنوم مسلوب
كل موعد فرح وأعياد وياه
وأشوف الكون من يروح مگلوب
كل هذا وتگولن عوف وانساه
لا أيوب انا ولا انا يعگوب

 

[тнє ρяιηςє нιgнηєss]

رد: الغروب

[font=&quot]كل الشكـــر لك على هالطرح الأكثــر من رااائــــع ..[/font]
[font=&quot]لا عدمنا هالتمييز و الابدااع ,,[/font]
[font=&quot]بأنتظااار جديدك بكل شوق[/font]
[font=&quot]تقــــديري و آحتــرآمي[/font]

 

[ناطق العبيدي]

رد: الغروب

[font=&quot]يروق لي دائما أن أكون بين اختياراتك الهادفة فكريا ومعرفيا ....لأنك صاحبة فكر عالي أنيق [/font][font=&quot] [/font][font=&quot]أبدعت فيما أتحفت به المكان [/font][font=&quot]
[/font][font=&quot]سلامي لك وتحيتي[/font][font=&quot][/font]