الله وياج
الله وياج
واني وياي جرحي وداعتج سهله
هوه الريح نيته يبوگ بس تشتاگله الگذله
من شفتيني بيه جناح
من شفتيني بيج ارتاح
شمّرتي الحجي المصبوخ ...وتأذيت
اجتني حجايتج عدله
ودورلج عذر بطران بس حجايتج مره
هيه الورده من تموت عطشت ماي...فشله حجاية المطره
جنتيلي وجنتلج ليل من يعبر صبح ينذم
ولملمتج سوالف طيف
من اشتاگلج ..احلم
عفتيني بوجه دخان شوف انشاف وامنيتي بجفوف التم
الله وياج سهله اطيح وي الناس
بس اوياج تتلعثم
يا طيره المحنه البيج وسفه تضيع
مو تدرين
شجره الما لفاها الطير يتحلل عليها الفاس
تانيتج يبعد الروح ملگه جفوف متلهفات للحنه
ومثل صينية العريس من تنشال صينيته
توادعه صواني و ياس
وبدونج عشت تابوت
وتصنط بواجي الناس
لو تدرين من اشتاگ روحي شلون !!
اشد بكل علگ شباج واصيحنج تعاليلي
وگالوها علي مجنون
هوه الينتظر ميتين هم تلگه بدليله احساس
الله وياج
واني وياي جرحي وداعتج سهله
هوه الريح نيته يبوگ بس تشتاگله الگذله
من شفتيني بيه جناح
من شفتيني بيج ارتاح
شمّرتي الحجي المصبوخ ...وتأذيت
اجتني حجايتج عدله
ودورلج عذر بطران بس حجايتج مره
هيه الورده من تموت عطشت ماي...فشله حجاية المطره
جنتيلي وجنتلج ليل من يعبر صبح ينذم
ولملمتج سوالف طيف
من اشتاگلج ..احلم
عفتيني بوجه دخان شوف انشاف وامنيتي بجفوف التم
الله وياج سهله اطيح وي الناس
بس اوياج تتلعثم
يا طيره المحنه البيج وسفه تضيع
مو تدرين
شجره الما لفاها الطير يتحلل عليها الفاس
تانيتج يبعد الروح ملگه جفوف متلهفات للحنه
ومثل صينية العريس من تنشال صينيته
توادعه صواني و ياس
وبدونج عشت تابوت
وتصنط بواجي الناس
لو تدرين من اشتاگ روحي شلون !!
اشد بكل علگ شباج واصيحنج تعاليلي
وگالوها علي مجنون
هوه الينتظر ميتين هم تلگه بدليله احساس
