المكان البي ختلنه إمْن المطر

[عثمان العكيدي]

المكان البي ختلنه إمْن المطر
مثلي تخشع من تمر انتَ عليهْ؟
اني مو بس اخشع ، أعتبره إمام
حنّة ، ودموع وعلكَـ حطّيت بيه
كل حنين اتعنّه اله مو كل خميس
الناس تمشي الكربله واني اعتنيه
"زيارة ما مقبولة" يصرخ من اروح
اشماله اكَولن مو يقدس البينه
وبدي اغشم روحي مايقبل شجاه
و أدري يقبل من نمرله اثنينه
يابراءتنه اوْ وكتنه الموبريء
وياصدق كلماتنه ويا وينه
فقره جنه حتى مانعرف نبوس
ومن وكَفنه بسده طلعت عينه
بينه جانت مستحه ترجف الجفوف
تكَاودينه يالله ثبتناهن
وبس عصافير الله شرحنّه الدروس
تزاققن وبسرعه قلدناهن
خذنه بس البوسه خلينه اليفيد
هواي عدهن عبر ماخذناهن
احنه هسه بقصر مَ نتمم زواج
وهنه عش يجمهن بدنياهن
احنه ننكل ناس للخطبه وتخيب
وهنه بس الغزل يمشي وياهن

 

[حكاية روح]

رد: المكان البي ختلنه إمْن المطر