ياموت ليش اصعدت وختلت بالعباره
موبيها والد صعد ومصعد اصغاره
من الصبح كاشخ طلع فرحان من داره
حاضن وسن شابك علي ويغازل بساره
ينظر لها ويبتسم من مراية السياره
ويكول نرجع والغداء في مطعم القيثاره
والموت يضحك عليه ويوزر اوزاره
مايدري ليله خلص ونتهى سماره
مابعد يرجع بعد ولايلتقي ابجاره
مايعرف اكلوب البشر انكلبت حجارة
والطمع سد النظر كلمن حضن ديناره
ياعيد شنو فرح كلشي انحسب بسعاره
هذا الشعب ينحصد وتنحصد جمله اعماره
جم طفل ماله اثر مجهوله كل اخباره
وامه تصيح بحزن والكلب شبت ناره
الموصل سواد البست الحمام والكياره
وكل العراق بحزن ومنين ياخذ ثاره
رمااد أأنسان
خلدون الانباري
