النشيد الفلسطيني..

[العـ عقيل ـراقي]

طشينة مفرعات بصاية الليل
وخذينه من النجم لمعاته
وتلفلف المكرود بسد خواته
شكثر لمينه من اجفوفهم حجي
وشكثر طلعت سوالفهم باردة
صح غمكوا كلش جرح الآه
بس وغلاتك يا وطن
تنمحي كلها وتظل انته
بزود الي ما يدور مناصب
ولا شيلة اخته بيد كتلة
وكلها عله شعبك يا وطن حبايب
كله بليل تبوك
وتصلي الجمعة قبل وكتها
ويوميا مفرعن عليه
غراب البين بتغريدة
ولاف عباته
ويصرح جمدنا
ومرة تلكاه ينكل صناديك
يكول عنها بخور
جا خيستك وصلت لدول الجوار
عمي فضها واستشهد
العباس نبنيلك ضريح
وكل خميس انزورك
ونسويلك زيارة ونسميها
زيارة المشبوه
والعباس تعبت الوادم
ويوميا تركض وتصيح
علي وياك علي
والله لو يسمعون كلامي
اعزيزة وفكر كلش فكر
صورهم بالشوارع معلكة
شيلوها ترتاح امهاتنه
وترد الفرحة لوطنه
واعرف نبقه تحلم
ما دام النشيد كل أمنيات
هل أراك سالم ..!
يعني تنسه السلامة والامان
مادام عله المنصات
نردد هيجي نشيد
والي يذبحك مو عراقي
انكتب لدولة جانت اسمها فلسطين
وليومك ما شافت امان..
يعني من ترد القدس
يرد الوطن للشعب..



خاطرة

04.11.2019
عقيل العراقي

 

[الـ لُجين]

رد: النشيد الفلسطيني..

عاشت ايدك يا وردة
ممنونين

 

[العـ عقيل ـراقي]

رد: النشيد الفلسطيني..

شكرا لك غاليتي
راقني حضورك
عقيل العراقي

 

[قيصر الحب]

رد: النشيد الفلسطيني..

دائما متميز في الانتقاء
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

 

[صوُتْ آنثوّيْ]

رد: النشيد الفلسطيني..

الله يسعدكك
ويعطيك الف عافيه

 

[العـ عقيل ـراقي]

رد: النشيد الفلسطيني..

ربي يسعدكم
وشكرا لطيبكم
والحضور
عقيل العراقي

 

[وارفة الظلال]

رد: النشيد الفلسطيني..

اجد الابداع والتواصل الجميل
في اختياركم الراقي
لكم مني باقات منى الورود​

 

[سعد العراقي راقي]

رد: النشيد الفلسطيني..

تسلم
شكرا لك

 

[العـ عقيل ـراقي]

رد: النشيد الفلسطيني..

شكرا لحضورك
تحياتي