الواحد فرد مايقبل التقسيم
بس انا انقسم وبدونك اتعدد
اتقسم بدونك وانجمع وياك
لان كلي ويه كلي بيك يتوحد
جنت جاهل واجيك اتشرد من الناس
هسه اتعلمت من نفسي اتشرد
عشكتك ذره ذره وصرت اغار عليك
واذا محد يبوسك اذبح المحد
ولك لا تنطرح يم ناس تعبانين
لان طولك حصار اشلون تتمدد
وشعرك ليله ظلمه اتوحشت عل ريح
كلما هب عليها اتلفلفه بأسود
جبينك ايد موسى المعجزه البيضاء
من حقه الكفر من شافك اتعبد
فراشة نور اذنك والزلف خطاف
مره يحط عليهه ومره يتبعد
وجفنك سمه ومجفي على جفنك ليل
اذا ترمش برقد يطك برقد
يل عينيك بحيره بكل هدوء الليل
وادموعك نوارس لو مشت على الخد
وعلى اخدودك صور منقوشه من بوسات
اباوع بالصور ما بايسك احد
وشفتك شمس من تبتسم نصين
يكطعهه البرق وبنصهه يتجمد
وحنجك صدر بجعه انصاغت من النور
اذا ماتت شمس من نوره تتولد
مثل زمزم ركبتك نص ذهب نص جام
وعين الماي هاي العل الصدر تركد
انام اباب صدرك واذنب وانخاك
كبتين الذهب ماتشفع الاحد
يبو ايد الثلج لاتطلع ابتموز
مو خاف الثلج خاف الخلك تبرد
واذا مو ثلج كلي هالبياض منين
معقوله العظم فوك الجلد يصعد
يل جتفك مناره ابيا شرع يادين
اموت من العطش واكبالك اتشهد
وحدر جتفك فرات ودجله ملتقيات
وشفت شط العرب جوه الجتف ممتد
يبو ساك الكطن ليش افتحتلك باب
مو خاف الكطن بالشوف يتفرهد
خطواتك حضاره وخصرك التاريخ
من تمشي العرب فوك الفرس تصعد
علي كل ماتمر يجبرني حسن البيك
اوصفنك لجن من حسنك اتردد
لذلك ما وصفتك واعتذر يهواي
وصفت بس الخيال المنك اتولد
بس انا انقسم وبدونك اتعدد
اتقسم بدونك وانجمع وياك
لان كلي ويه كلي بيك يتوحد
جنت جاهل واجيك اتشرد من الناس
هسه اتعلمت من نفسي اتشرد
عشكتك ذره ذره وصرت اغار عليك
واذا محد يبوسك اذبح المحد
ولك لا تنطرح يم ناس تعبانين
لان طولك حصار اشلون تتمدد
وشعرك ليله ظلمه اتوحشت عل ريح
كلما هب عليها اتلفلفه بأسود
جبينك ايد موسى المعجزه البيضاء
من حقه الكفر من شافك اتعبد
فراشة نور اذنك والزلف خطاف
مره يحط عليهه ومره يتبعد
وجفنك سمه ومجفي على جفنك ليل
اذا ترمش برقد يطك برقد
يل عينيك بحيره بكل هدوء الليل
وادموعك نوارس لو مشت على الخد
وعلى اخدودك صور منقوشه من بوسات
اباوع بالصور ما بايسك احد
وشفتك شمس من تبتسم نصين
يكطعهه البرق وبنصهه يتجمد
وحنجك صدر بجعه انصاغت من النور
اذا ماتت شمس من نوره تتولد
مثل زمزم ركبتك نص ذهب نص جام
وعين الماي هاي العل الصدر تركد
انام اباب صدرك واذنب وانخاك
كبتين الذهب ماتشفع الاحد
يبو ايد الثلج لاتطلع ابتموز
مو خاف الثلج خاف الخلك تبرد
واذا مو ثلج كلي هالبياض منين
معقوله العظم فوك الجلد يصعد
يل جتفك مناره ابيا شرع يادين
اموت من العطش واكبالك اتشهد
وحدر جتفك فرات ودجله ملتقيات
وشفت شط العرب جوه الجتف ممتد
يبو ساك الكطن ليش افتحتلك باب
مو خاف الكطن بالشوف يتفرهد
خطواتك حضاره وخصرك التاريخ
من تمشي العرب فوك الفرس تصعد
علي كل ماتمر يجبرني حسن البيك
اوصفنك لجن من حسنك اتردد
لذلك ما وصفتك واعتذر يهواي
وصفت بس الخيال المنك اتولد
