اليحبك مايجبرك
اليحبك مايغدرك
ماينكرك مايخسرك مايقهرك
واليحبك يرهم حزام علة ضهرك
واليحبك مايعبرك واليريدك يبوس ايدك
واليحبك مايكسرك شمانصيت يعلي سعرك
واليحبك ماغيبك واليحبك مايسهرك
واليحبك يمتثل دوم لامرك واليحبك بس هوة اليعذرك
واليحبك مثل عطرك يغفة وينام علة صدرك
ومو خسارة لوردت تنطيه عمرك
اليريدك يصير دم بنص وريدك
اليحبك وين ماترحل يشوفك
واليحبك مثل ضلك مايعوفك
واليحبك مثل هذا النفس يصعد وينزل بجوفك
واليحبك تغفة يمة وينتهي ويموت خوفك
واليحبك لما تعطش يصب دموع ويترسلك جفوفك
واليحبك يفهمك ويقدر ضروفك
واليحبك مايشوف الناس بس انتة يشوفك
اليحبك يبيع عمرة وويشتريك
لو عبرت بحوريعبرهة ويجيك
لايكللبي صاربيك
ليش تسال علي مايسال عليك
لايكلبي لاتصدك بكلمن يكلك ابيك
ابقة مثل الورقة بيضة وهمة يتعنون ويبوسون ايديك
