مساء الخير حبايب
اقدم الكم اخر كتاباتي المتواضعه
قصيده لمن لو كتبت الها الف ديوان رح ابقه مقصر بحقها
امي الغاليه ..
بسم الله الرحمن الرحيم
اعوذ بالله من كل بشر مايحب امه
وتناسه حبها وهم نكرها
امي ..
امي قرآن لوحدها بأمر الله
ما وضع سوره بأسمها
چي بكل آيه ذكرها
امي منبع للحنان
وكلش قليل بحقها جواها جنه
امي حنة چف رجلها
مطعمة بفردوس وسته من الجنان
امي جنه بلايا باب
اليحبها تگله فوت
انت راضيني ..
اذن راضيت ربك
انت لمن شاب شعري
شلت شعرك گتلي هاج
ابقي شباب
وكون من حيلي ع حيلج
وكون من عمري ع عمرج
هذا حبك
من غصن رجلي ذبل
هذ چتفك صار عكازة شبابي
شكثر چا الله يحبك
امي اروحن فدوه لأسمج
ابد ما ربيتي طير
ماتريديله قفص ردتيله شجره
وبيها يلتم هو واهله موش وحده
كلتي هم عنده كرامه
واعتقد عنده ضمير
ويمه انه اذكر ضحيه من اشتريتي
ما رضيتي تنذبح
مارضيتي الطبر يگطع راسها
دوريتي ع طبر بس من حرير
امي شرد احچي عليها
امي شوصف شنهو بيها
امي جنه .؟
امي للعلا علاج؟
امي لو هالدنيا ضكت بيها مره
تصير هالدنيا عجاج
امي قرآن وگلتها وبسملت قبل الحچي
امي حايط للوطن
لو تعب ..؟!
يگدر عليها ينتچي
امي لگمة بحلگ كل واحد فقير
امي اذا دارت الدنيا
وگمنه نگعد ع الرصيف
چفوف اديها النه تصبح حصير
امي خضره
بلون رايات ابو فاضل
تنطي المراد بأسمها من اذكره
من اريد ادعي اگولن
ربي بجاه امي اقبل دعوتي
وربي ما خيبني مره
امي صعب اوصف جنانج
مهما اسولف عن حنانج
امي بس اتمنى شغله
ربي ياخذ عمري گبلج
ولا اعيشن لحظه وحده
ادخل البيت واباوع
بس حجاب وسبحه باقين بمكانج
بـقـلـمـي : عـلاء كـريـم
#3Laa
اقدم الكم اخر كتاباتي المتواضعه
قصيده لمن لو كتبت الها الف ديوان رح ابقه مقصر بحقها
امي الغاليه ..
بسم الله الرحمن الرحيم
اعوذ بالله من كل بشر مايحب امه
وتناسه حبها وهم نكرها
امي ..
امي قرآن لوحدها بأمر الله
ما وضع سوره بأسمها
چي بكل آيه ذكرها
امي منبع للحنان
وكلش قليل بحقها جواها جنه
امي حنة چف رجلها
مطعمة بفردوس وسته من الجنان
امي جنه بلايا باب
اليحبها تگله فوت
انت راضيني ..
اذن راضيت ربك
انت لمن شاب شعري
شلت شعرك گتلي هاج
ابقي شباب
وكون من حيلي ع حيلج
وكون من عمري ع عمرج
هذا حبك
من غصن رجلي ذبل
هذ چتفك صار عكازة شبابي
شكثر چا الله يحبك
امي اروحن فدوه لأسمج
ابد ما ربيتي طير
ماتريديله قفص ردتيله شجره
وبيها يلتم هو واهله موش وحده
كلتي هم عنده كرامه
واعتقد عنده ضمير
ويمه انه اذكر ضحيه من اشتريتي
ما رضيتي تنذبح
مارضيتي الطبر يگطع راسها
دوريتي ع طبر بس من حرير
امي شرد احچي عليها
امي شوصف شنهو بيها
امي جنه .؟
امي للعلا علاج؟
امي لو هالدنيا ضكت بيها مره
تصير هالدنيا عجاج
امي قرآن وگلتها وبسملت قبل الحچي
امي حايط للوطن
لو تعب ..؟!
يگدر عليها ينتچي
امي لگمة بحلگ كل واحد فقير
امي اذا دارت الدنيا
وگمنه نگعد ع الرصيف
چفوف اديها النه تصبح حصير
امي خضره
بلون رايات ابو فاضل
تنطي المراد بأسمها من اذكره
من اريد ادعي اگولن
ربي بجاه امي اقبل دعوتي
وربي ما خيبني مره
امي صعب اوصف جنانج
مهما اسولف عن حنانج
امي بس اتمنى شغله
ربي ياخذ عمري گبلج
ولا اعيشن لحظه وحده
ادخل البيت واباوع
بس حجاب وسبحه باقين بمكانج
بـقـلـمـي : عـلاء كـريـم
#3Laa
