ام عواد . . .

[ابو مناف البصري]

. . . . ام عواد . . . .
امرأه عراقيه اصيله توفت قبل 40 عام وفي الرؤيا تبكي وتسأل عن العراق واهله وما حل بهم

لاتبچين يم عواد مامون الوطن مامون حاميته حراميته
احسن بيت للارهاب واحسن سمعه اله او صيته
مصيون الوطن برجال من حلگ السبع جابوله قدسيته
نامي وشرغدي بلا خوف يم عواد
مامون النفط مو سيح مو بس كاك كلمن كاك اله ابيته
ومن هل كاك عنده افروع وزعهن لحاشيته
ظل بس الفقير ابظيم يم عواد يعرف وين تاليته
مانگدر نگول اعبيد واللي يگول عبوه تهدم ابْوِيته
مگرود الشعب مگرود يم عواد يتقشمر ابچكليته
من طوطه القطار وصاح شردت كلها عبريته
لا فالات لا مگوار لا زلم التدگ اصدور شو ماهلهلت صيته
ورخَيِّص نساه الموت شگ زيجه ويدع بالطين بيريته
حتى الماي هم گطعوه لا گطان لا شبوط راحت حتى خشنيته
مات من العطش قداح والسياب ماتت حتى برحيته
وبيرغنه تلثگ ظيم مامش ماي للحمار وديته
بلچي اميه عدهم غاد نشطف بيها ساريته
والمصرف ردي ونشال
من باگوه ماحشم اچمن واطه خرجيته
حرامي البيت ماتحميه بالتحقيق USA طلع مكتوبه جنسيته
واليحچي ويگول شلون راسه يطير لو مزروفه لاطيته
احنه اهل الكرم والجود والخطار نام بلاش خليته
لاشكرات لاچايات لادهنات نشرب فوح تاليته
نگعنا الكرامه ابظيم غمسها الشعب بحروف حريته
وصاحبنه الوكيل اليوم راد فلوس واطيته
امرادم بالضلام يا اسلام والبيت اللي حجيته
مامش كهربا ونشوف والامبير ماكو فلوس گصيته
او وصل الكهربا موجود مبخوتين بالعباس ذاك الشهر وفيته
ام عواد خليها دفن وياي لاتبچين
حتى اللي يشيل ابريچ هم تنباگ مزويته
علي بابا العراقي يصير تتثبت بقوميته
تيهنه الطريج امنين چي لن الوطن هيته
طشيت العمر بالچول كل دين العليّ للناس وفيته
ظل بس العتب وياچ لآخر ليل ضميته
نامي وشرغدي بلا خوف يم عواد
باعو هل وطن تصقيط بس ارقام وبليته

الفرحان . . .

 

[أم السادة]

....//

سلمت اناملك
ع روعة الطرح..
..
//

 

[غزل..ᥫ᭡]

ـ
[BGCOLOR=rgb(247, 218, 100)]

دائما متميز/ه في العطاءءَ
سلمتَِ على روعه طرحك..."
لروحك الكادي ..."
[/BGCOLOR]

 

[قيصر الحب]

بدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي