انتة ابالي احسك وين ماروح

[رومانسي بس منسي]

[align=center][tabletext="width:90%;background-image:url('http://imup.dorar-aliraq.net/img1/1336397622lylmd.com129496784519.gif');background-color:seagreen;border:9px ridge red;"][cell="filter:;"][align=center]

انتة بالي احسك​

​

انتة ابالي احسك وين ماروح​

واذا وياي تمشي شلون تبعد​

شما تلتفت عيني الكاك موجود​

ويتراوالي وجهك وين ماصد​

اغمض والكى ظلك يمشي بالعين​

بحيث من ارد اجيك برمشي تلبد​

وانوط عن خيالك واقترب ليك​

وتتلاحك روحي تصيرلك سد​

​

حيرة وماعرفت شلون وياك​

تصفة ويمشن احساسين بالضد​

علية يصول شوكك وانة الاكيك​

وعليك خيول ضعفي الجامحة ترد​

جرحي وياك ماراويتة للغير​

موقصة شماتة وخوف من ند​

حلو جرحك واحس تعلقت بيه​

واحسب لاتشوفه عيون تحسد​

لو كل جرح يشبه جرحك يصير​

الا احلف يمين جروح ماشد​

اسد بابك بكلبي بغفلة الروح​

وتفز مرعوبة روحي تصيح شتسد​

انة بحالة تناقض وانقسامات ​

وصراع وفوضوية وموجد وجد​

بحيث انشطر شخصيتين وياك​

اكرهك واليحبك يمي يكعد​

احط موعد لنسيانك واجي اردود​

احط للموعد البيه ننسى موعد​

باشد حالات زعلي اتصالح وياك​

سماي نجوم بيها وغيم يرعد​

واجيك وباعتقادك جابني الثار​

وانة من ابعد عليك يجيبني الود​

اثور بدمعتي ويتراجع الشوك​

وطعم شفايفك بالريج يصمد​

بعدك وافتهمناه طيفك شبيه​

كبل ماسامع انة بطيف يبعد​

خفت عن لايمر وجفني مطبوك​

كمت حتة من انام عيون ماسد​

كانك شارد ودمعات العيون​

عليك ابين اليمرون تنشد​

ناس هواي اليدخلون بالروح​

ولكن محد يظل كلها تشرد​

وراك تصير وحشة موت بالروح​

بس المايخاف بروحي يكعد​

حلو وجه الفرح بس شفتي تكول​

تبت وبطلت قمصان ماقد​

تسالني منو الوياي بجفاك​

على دمعتي لو ع الموت تقصد​

اطمأن ماشوف وجهي عيون مابيه​

على دربك عيوني متانية ترد​

حسبت اطول مسافة لزعلة وياك​

خطوة وجنه بيها شوية نبعد​

كل مانشمي بيها انفاسنة تضيك​

ماتكمل الخطوة للهوى نرد​

حجر صدك بماي الواهس يطيح​

ثواني ويصفى خلكي وزعلي يركد​

تعال الشوك هم بيه فزعة مرات​

لهذا على اليموت دموعنة تهد​

تعبنة الاصابع خلها ترتاح​

كضينة الفركة كلها بيهن نعد​

عله سنبل اسراري وباجر يجوز​

بيها جفوف اليشمتون تحصد​

انة بلياك اقوت ساعة الموت​

بس يالحظة اموتن مامحدد​

[/align][/cell][/tabletext][/align]

 

[✿.Σнѕαѕ.✿]

رد: انتة ابالي احسك وين ماروح

عاش حسك

لاهنت

 

[قيثار الجنون]

رد: انتة ابالي احسك وين ماروح

طرح راقي جدا
بقلم رائع جدا
واسلوب مميز جدا


سلمت يداك



شكرا جزيلا

​

 

[عاشق الصمت]

رد: انتة ابالي احسك وين ماروح

مساء الخير
هذه من اروع القصائد التي اعشقها
وهي للشاعر ايهاب المالكي ..
شكرا لك اخي رومانسي للاختيار الراقي

تحياتي

 

[رومانسي بس منسي]

رد: انتة ابالي احسك وين ماروح