انتة ابالي احسك وين ماروح
واذا وياي تمشي شلون تبعد
شما تلتفت عيني الگاك موجود
ويتراوالي وجهك وين ماصد
اغمض والگه ظلك يمشي بالعين
بحيث من ارد اجيك برمشي تلبد
وانوط عن خيالك واقترب ليك
وتتلاحگك روحي تصيرلك سد
حيرة وماعرفت شلون وياك
تصفى ويمشن احساسين بالضد
علية يصول شوگك وانة الاگيك
وعليك خيول ضعفي الجامحة تهد
جرحي وياك ماراويتة للغير
موقصة شماتة وخوف من ند
حلو جرحك واحس تعلقت بيه
واحسب لاتشوفه عيون تحسد
لو كل جرح يشبه جرحك يصير
الا احلف يمين جروح ماشد
اسد بابك بگلبي بغفلة الروح
وتفز مرعوبة روحي تصيح شتسد
انة بحالة تناقض وانقسامات وصراع وفوضوية
وموجد وجد ...بحيث انشطر شخصيتين وياك
اكرهك واليحبك يمي يگعد
احط موعد لنسيانك واجي اردودا
حط للموعد البيه ننسى موعد
باشد حالات زعلي اتصالح وياك
سماي نجوم بيها وغيم يرعد
واجيك وباعتقادك جابني الثار
وانة من ابعد عليك يجبني الود
اثور بدمعتي ويتراجع الشوك
وطعم شفايفك بالريج يصمد
بعدك وافتهمناه طيفك شبيه
گبل ماسامع انة بطيف يبعد
خفت عن لايمر وجفني مطبوگ
گمت حتة من انام عيون ماسد
كانك شارد ودمعات العيون
عليك ابين اليمرون تنشد
ناس هواي اليدخلون بالروح
ولكن محد يظل كلها تشرد
وراك تصير وحشة موت بالروح
بس المايخاف بروحي يگعد
حلو وجه الفرح بس شفتي تگول
تبت وبطلت قمصان ماقد
تسالني منو الوياي بجفاك
على دمعتي لو ع الموت تقصد
اطمأن ماشوف وجهي عيون مابيه
على دربك عيوني متانية ترد
حسبت اطول مسافة زعلة وياك
خطوة وچنه بيها شوية نبعد
كل مانمشي بيها انفاسنة تضيگ
ماتكمل الخطوة للهوى نرد
حجر صدك بماي الواهس يطيح
ثواني ويصفى خلگي وزعلي يركد
تعال الشوك هم بيه فزعة مرات
لهذا على اليموت دموعنة تهد
تعبنة الاصابع خلها ترتاح
گضينة الفرگة كلها بيهن نعد
عله سنبل اسراري وباچر يجوز
بيها چفوف اليشمتون تحصد
انة بلياك اوقت ساعة الموت
بس يالحظة اموتن مامحدد
الشاعر ايهاب المالكي
واذا وياي تمشي شلون تبعد
شما تلتفت عيني الگاك موجود
ويتراوالي وجهك وين ماصد
اغمض والگه ظلك يمشي بالعين
بحيث من ارد اجيك برمشي تلبد
وانوط عن خيالك واقترب ليك
وتتلاحگك روحي تصيرلك سد
حيرة وماعرفت شلون وياك
تصفى ويمشن احساسين بالضد
علية يصول شوگك وانة الاگيك
وعليك خيول ضعفي الجامحة تهد
جرحي وياك ماراويتة للغير
موقصة شماتة وخوف من ند
حلو جرحك واحس تعلقت بيه
واحسب لاتشوفه عيون تحسد
لو كل جرح يشبه جرحك يصير
الا احلف يمين جروح ماشد
اسد بابك بگلبي بغفلة الروح
وتفز مرعوبة روحي تصيح شتسد
انة بحالة تناقض وانقسامات وصراع وفوضوية
وموجد وجد ...بحيث انشطر شخصيتين وياك
اكرهك واليحبك يمي يگعد
احط موعد لنسيانك واجي اردودا
حط للموعد البيه ننسى موعد
باشد حالات زعلي اتصالح وياك
سماي نجوم بيها وغيم يرعد
واجيك وباعتقادك جابني الثار
وانة من ابعد عليك يجبني الود
اثور بدمعتي ويتراجع الشوك
وطعم شفايفك بالريج يصمد
بعدك وافتهمناه طيفك شبيه
گبل ماسامع انة بطيف يبعد
خفت عن لايمر وجفني مطبوگ
گمت حتة من انام عيون ماسد
كانك شارد ودمعات العيون
عليك ابين اليمرون تنشد
ناس هواي اليدخلون بالروح
ولكن محد يظل كلها تشرد
وراك تصير وحشة موت بالروح
بس المايخاف بروحي يگعد
حلو وجه الفرح بس شفتي تگول
تبت وبطلت قمصان ماقد
تسالني منو الوياي بجفاك
على دمعتي لو ع الموت تقصد
اطمأن ماشوف وجهي عيون مابيه
على دربك عيوني متانية ترد
حسبت اطول مسافة زعلة وياك
خطوة وچنه بيها شوية نبعد
كل مانمشي بيها انفاسنة تضيگ
ماتكمل الخطوة للهوى نرد
حجر صدك بماي الواهس يطيح
ثواني ويصفى خلگي وزعلي يركد
تعال الشوك هم بيه فزعة مرات
لهذا على اليموت دموعنة تهد
تعبنة الاصابع خلها ترتاح
گضينة الفرگة كلها بيهن نعد
عله سنبل اسراري وباچر يجوز
بيها چفوف اليشمتون تحصد
انة بلياك اوقت ساعة الموت
بس يالحظة اموتن مامحدد
الشاعر ايهاب المالكي
