انه الرديت بسمك طول الايام
ليش بوجهي بابك حيل رديت ؟
وما خليت انه بخاطرك يوم
وانت بخاطري سجين خليت
يلعودت ظهري يشوف طعنات
صدكني بغيابك صاح حنيت
ظهري وخنجرك حسبالي صحبان !
من لهفه حضنهم والله شكيت
جم خنجر بخنجر ذاب وياي؟
جم ضهر بضهر وياك ذبيت
اباوع صورتك والحسره دخان
دخان الجكاير شالي البيت
تعنيت اعله بيتي وياي بلطيف
شجاك شبيك تركض من تعنيت ؟
حته بدمعي والله لكيت شمات
من تمر عليه تصيح هليت
اضطراب يصير بيه من اوصل الباب
بكد دكات كلبي الباب دكيت
ورحت منه وسواد العين مكسور
وسبحت بذله انه بيوم رديت
لكيت الباب صبغه بلون الفراك
وطلع بيتك عليه وصاح شو جيت؟
ونزل دمعي اعله بابك غير اللون
وطاحن ذكريات الباب وبجيت
وعلى درب المشيت وياه فرحان
فراش لخطوتك بجروحي مديت
رديت الجميل وياي يفلان
ما قصرت انت بهاي وفيت
انه بعرسك كمت طشيت السنين
بفاتحتي كمت طشيت جكليت
خليني اعله بالك خاطر تنام
وجع راس اعله بالك ادري لو جيت
خجلانه السوالف لو حجت بيك
مثل شحه الضحكه بشفتي شحيت
مثل نار وشمع كضيته وياك
اخليك اعله راسي بعمري كضيت
وتحركني اعله كيفك انته بهداي
خليني ارد اذكرك خافك نسيت ؟
لحضه موت جانت بيه وياك
وتذبح بيه انت وبيك وصيت
وصيتك عليك تعيش مرتاح
واذا حنيت ابد لتكول حنيت
ليش بوجهي بابك حيل رديت ؟
وما خليت انه بخاطرك يوم
وانت بخاطري سجين خليت
يلعودت ظهري يشوف طعنات
صدكني بغيابك صاح حنيت
ظهري وخنجرك حسبالي صحبان !
من لهفه حضنهم والله شكيت
جم خنجر بخنجر ذاب وياي؟
جم ضهر بضهر وياك ذبيت
اباوع صورتك والحسره دخان
دخان الجكاير شالي البيت
تعنيت اعله بيتي وياي بلطيف
شجاك شبيك تركض من تعنيت ؟
حته بدمعي والله لكيت شمات
من تمر عليه تصيح هليت
اضطراب يصير بيه من اوصل الباب
بكد دكات كلبي الباب دكيت
ورحت منه وسواد العين مكسور
وسبحت بذله انه بيوم رديت
لكيت الباب صبغه بلون الفراك
وطلع بيتك عليه وصاح شو جيت؟
ونزل دمعي اعله بابك غير اللون
وطاحن ذكريات الباب وبجيت
وعلى درب المشيت وياه فرحان
فراش لخطوتك بجروحي مديت
رديت الجميل وياي يفلان
ما قصرت انت بهاي وفيت
انه بعرسك كمت طشيت السنين
بفاتحتي كمت طشيت جكليت
خليني اعله بالك خاطر تنام
وجع راس اعله بالك ادري لو جيت
خجلانه السوالف لو حجت بيك
مثل شحه الضحكه بشفتي شحيت
مثل نار وشمع كضيته وياك
اخليك اعله راسي بعمري كضيت
وتحركني اعله كيفك انته بهداي
خليني ارد اذكرك خافك نسيت ؟
لحضه موت جانت بيه وياك
وتذبح بيه انت وبيك وصيت
وصيتك عليك تعيش مرتاح
واذا حنيت ابد لتكول حنيت
