صرتي بحياتي المضى والحاضراو آتي
او صرتي النبض والنفس وأنتي سبب ضحكاتي
بدونج حياتي عدم يا محليه دنياتي
كبلج حياتي حزن وغذاي دمعاتي
كربي عليه بعد برويحتي باتي
يا اعذب من الشهد يا اجمل من الورد عطرج ترس شهكاتي
عوضيني كلشي مضي يارحله لأخر نفس وأخر محطاتي
ياسلوتي اوشهكة عشك يا بوحي او همساتي
حبج ملكني صرف اني اقر واعترف ياام الخديد الترف الترف صرتي سبب صفناتي
شعرج عيونج والخصر او ياهن انضيف الصدر كلهن صفن مالاتي
واني الج كلي شلع بالعشره ابصم مو حبر بشفافي او بوساتي
واقسم برب العرش والساده واليمه ابقى احبج للابد ياطيبة الشمه
كالولي مجنون بعشك هيج انته كلبك يدك مخبوطه وي دمه
صدكوني هذا الكلب
ينتعش يفرح يبتسم من ثوبها ايشمه يحس بامان او فرح ويزول كل همه
وكل الجوارح تنتفض لمن تصيح اسمه هيج اني احسك ياحلو نجمي او مجراتي
موبيدي حبج اعلنه والعن ابو السكاتي
موبيدي حبج اعلنه والعن ابو السكاتي
بقلمي
14/11/2020
