وردة وولاني الوكت
عَصف ومطر وارياح
ومنّي سِرق فرحتي
من غيّب الفلاّح
بأول شبابي وطِحت
بالله شوكت أرتاح
أخضر وغض عودي أنه
والشيب هلّ ولاح
ياليلي أرحم ولك
خل يطلع المصباح
* * *
صحراء صار العُمر
وآنه بكَلب ضامي
ودكَات فاسه بشجر
من تعبر أيامي
مكسور جنحي بحزن
ما ترحم آلامي
ورُغم الكسر والألم
لمّيت أيتامي
وبأول الليل انتهت
واندفنت أحلامي
* * *
كلمن بظيمه البشر
وآنه اطحن آهاتي
بثكَل الجبال وأشد
أشعرها ساعاتي
وشكَد ردت .. حاولت
أحييها ضحكاتي
لكنها بس للحزن
منذورة نبراتي
صفنة اعلى صفنة انتجت
ياناس صفناتي
* * *
بس ابقى رغم القهر
عالصبر بالي طويل
انطر خيوط الفجر
لا ما هزمني الليل
صح راح مني العمر
بين الحزن والويل
بس بيه لون الورد
بيه العطر والحيل
وأضحك واكَولن ندى
لو مره دمعي يسيل
عَصف ومطر وارياح
ومنّي سِرق فرحتي
من غيّب الفلاّح
بأول شبابي وطِحت
بالله شوكت أرتاح
أخضر وغض عودي أنه
والشيب هلّ ولاح
ياليلي أرحم ولك
خل يطلع المصباح
* * *
صحراء صار العُمر
وآنه بكَلب ضامي
ودكَات فاسه بشجر
من تعبر أيامي
مكسور جنحي بحزن
ما ترحم آلامي
ورُغم الكسر والألم
لمّيت أيتامي
وبأول الليل انتهت
واندفنت أحلامي
* * *
كلمن بظيمه البشر
وآنه اطحن آهاتي
بثكَل الجبال وأشد
أشعرها ساعاتي
وشكَد ردت .. حاولت
أحييها ضحكاتي
لكنها بس للحزن
منذورة نبراتي
صفنة اعلى صفنة انتجت
ياناس صفناتي
* * *
بس ابقى رغم القهر
عالصبر بالي طويل
انطر خيوط الفجر
لا ما هزمني الليل
صح راح مني العمر
بين الحزن والويل
بس بيه لون الورد
بيه العطر والحيل
وأضحك واكَولن ندى
لو مره دمعي يسيل
