شعر صباح الخير - قصائد صباحيه - صباح الحب
صباح الخير يا شمعة ضياء فيني
صباحٍ شامخٍ مثلك يا روحي ودرة سنيني
صباحك غير يا وجه الخير
مدام إن العمر فاني ... خذي عمري وروحي دين
وعيشي عمرك وعمري... ولا تنسين قبري فين
صباحك خير
صباحك غير
صباحك شامخ مثلك يا وجه الخير
أكيد إنك بتشتاقين ... وأذا رحتي فلا تبطين
ولا تقسين يا نور العين ... ترى حبك عليه دين
صباح الخير
صباحك غير
يا أحلى ما تشوف العين
لو نامت عيونك يوم ... فعيني ما تنام أيام
ولا ذاقت سواده دوم ... ولا شفت الفرح من عام
فهمتي الحين
يا أحلى من سكن كوني
يا وجه الخير
صباح الخير
صباحك غير
صباحك طايراًٍ مثلك يا أحلى طير
من عامين ... وأنا وحدي دموعي سيل ... وأنتي وين
يا وجه الخير
صباحك غير
يا نجمٍ مثل نجم سهيل ... عساك بخير
عسى ما صابكم مكروه ... تراني بعدكم معتوه
انادي طيفكم واتوه ... في بحر الحب لو شفتوه
فهمتي الحين
يا وجه الخير
فهمتم يالبشر تاليه ...فهمتم كيف أنا بغليه
فهمتم الحب والي أعنيه ... اجل قولولي كيف أرضيه
شبيه الريم
خف ولين
ولا تقسى على قلبٍ يبيك ويشتريك الحين
يا وجه الخير
فهمت الحين
~
صباح الخير ياسكر صباحاته خلطهـا التـوت
صباح الخيـر يـاوردن تغنـج فـي بساتينـه
انا وأنتي كذا !! يعني علينا "السابحات اقنـوت"
يصب المي في المرفا وتنعـش بـه رياحينـه
انا مهما وصفتك يـا حقيقـه كنزهـا ياقـوت
وجوابي " قبل ارتب مفرداتـه " يسبقـه سينـه
دخيلك لاتجاوبنـي يهيـم الهاجـس المكبـوت
يتوه الطيش في مله " ويلقـى " داخلـي دينـه
وانا نفسي اهاودها " واكابر والزمـن " تابـوت
..يروم..و.. يقطع ..المرسن واسافر في ميادينه
اقول العز ما ينكر رجالاً ..يلبسـون ..ابشـوت
تذب الفقر وتصافح غريمن ..طالـت ..ايدينـه
انا ماشاقني عشقـن يشابـه لعبـة البالـوت
ولازايدت فـي سـوقٍ رخيصاتـن مضامينـه
عليك الله وامانـه مابقـى ياحلمـي المبخـوت
عدا همن عشق صـدري وفـارق لـذة سنينـه
عيوني تلمح الصورة واهيم برحلتي فـسكـوت
عسى بكره .. بعد بكره .. نصافح بالرضاء لينه
أنا في صرختي عبرة تشّيـد بالحنيـن أبيـوت
وأنا في داخلـي همٍـن تفجّـر بـي براكينـه
وانا في نخوتي دوله يقدسها " سمـا " بيـروت
غريبن لاخضع لأمرك .. تدانـت لـك بساتينـه
تعالي .. خلي الضحكه " تلحفنا " حياء ونموت
تعالي والحياء شيمه ..وكل الناس مـن طينـه
تعالي والتتر واقـف ونيرانـه لهـب جالـوت
يرد الضحـك والموقـف مـع الأيـام ياشينـه
