اهنا يمن جنه وجنت

[خزعولة]

اعوفك شـي طبيعــي ولازم انســاك
لأن مـــا بيــه حيـــل اصــبر ولاحيـر
مثل يــوسـف احس بقصتي ويــــاك
وعلى هذا الامر راح انطــــي تفسـير
گلتلي شـگــد احبج انــــة واهـــواج
وبـس عاينـت بيهــــة تخيــلت بــيـر
ومثل عطشان اجيتك واعرف بهـاي
سراب ومــن اگــضـك رأسن اطــيـر
غشيمه ومــا عـرفتك هيجي ويـــــاي
غـراب ولابـس هــدوم العـصـافـيـــر

 

[خزعولة]

 

[وهج الحروف🔥]

تتردد على اسماعنا منذ الصغر ابيات دارمي حفظناها وقمنا نرددها والكثير منا لايعرف من هو شاعرها ومن اي محافظه... والاكثر منها مغناة غناها كثير من المطربين فتبين إنها من موروث الديوانيه ناحية الصلاحية
الغني بالحسچه..وشاعرها الشيخ يوسف آل جار الله البديري..مواليد ١٩٠٠ والوفاة ١٩٦٨.. ومن هذه الدارميات..

#اهلاً وسهلاً بيك وكثر بالوياك
الگلب گبل العين فز وتلگاك..

#ظلمه ودرب عاثور ليلة شته وغَتْ
روحي إشتهت ملكاك عتتني إلك عَتْ ..

#دك دكتين أرداف كلبي وسكت ليش؟
ربعي بغميج تفوج وآنه اغرك بگیش
#دك دكتين ارداف كلبي وسكت ليش؟
إحترك دم البيه.. يفتر بعد بيش ؟

#أكرب وطش وسجيه والحاصل تراب
چا شطي للديان من يلزم الباب.. ؟

#خل روحك بعز دوم بالك تذلها
لاتطلب الحاجات إلا من أهلها

#الدهر كص يمناي شل يسرتي البين
بيش ألزم الدلال؟ بيش أمسح العين؟
ويگول ..
#چنت آنه اخز البوش من الثنيه
هسه اصبحت طلاب مديت اديه

#بان الچنت مخفيه كر من صهيله
بيه طبع ماينساه يزگط جبيله

يعتبر الشاعر يوسف جار الله ملك الدارمي دون منازع وهو من بدء بالبيت المعروف.
#بت بعد بالدلال وجروحه تسعين
هم ينفع التضميد للصاير طحين؟
وكانت الردود على هذا البيت خمسه وسبعين رداً من كافة المحافظات وعندما وصل الى هذا العدد الكبير طلب منه الشعراء أن ينهي هذا الموضوع الذي اصبح الشغل الشاغل
فختمه بالبيت المعروف..
#توه إنتهى الدلال خلصن إبتوته
خلي اليحبنه يصيح بعالي صوته..