كل خميس ارگض
گبلهم حته ارفعك
واظل صافن بالنجوم
هلبت تاخذني نجمة
ومره اذكر مطرت
گلت هلبت فوگي
تيطيح انجومك
كلها طاحت
وكلها ريحتها فاحت
وتبقى ياعراق
حلم كل احديثة
تمشي بيك بأمان
وگبل كلش گبل
جان اسمك غيره
وكبرت صارت لمت زلم
وكبرت صارت مراجل
وهسه ضاعت
كلها وبقت لمت
حراميه..
واذكر جنت امشي وي ابوي
گلي بويه الوطن امك
الوطن ابوك وعمك
الوطن كلشي وكلاشي
گتله يعني اغله منك
گال كلنه نروح
وبس هو الي يظمنه
بين ترابنه وتبقه
فوگ وجهه اثارنه
بس لاتبيعه
ولا توز واحد عليه
ولاتخلي احد يبوگه
لان بويه الوطن
ما تگدر تعوضه
كلها تروح وتندفن هذه الناس
العفنة والباگو حضارة
حته لو عوضوك بألف وطن
يبقه هو احزام وحته شمسه
حنينه وعصرياته
تلم الجيران
وتسولف نهرانه
للولهان
وتشم الرازقي
وكت الغروب
وگعدت السطح بالصيف
والترمز والچايات وصينية الرگي
كلها ما تلگاها بس
بوطنه..
اوف اشحلاتك ياوطن
27/09/2019
العـ عقيل ـراقي
