اّنا جروحي رباب اتسامـر الضيف
ويبـﭽـن ليل لو كَعدن وحدهــــــن
جروحي من الزغر ياجوج ماجوج
خُلكَـ حاســوب ما يكَـــدر يعدهـن
عزيزات واّحبهن كبرن اويـــــــاي
لـ حَدر ضلعي اذا راحــن اردهن
دراويـــش الجروح ودكَـــن ادفوف
قهـــــر ليلي اذا تســـــأل مَددهن
سروج خيول من كدن اصيــــلات
على الكلفات اتنومس وشــــدهن
كَناطــــــر يـﭼــعمن ولماي خنياب
نهر حــــدار مِشـﭽـل يمدهــــــن
كَناطــــر امنـــــت درب اليعبرون
ولا عابر شـكو إشبيـﭼـن نشدهن
ونا المصيوب هولشـــت السواﭽـير
تشلــــه كَوم لو رايــــد تســـدهن
مثل نخلات عيط وحامــــن إعثوكَـ
تُساقط رُطب كون ايدك تهزهـن
جِمل صارن عليّ عميه السـﭼاﭽـين
طريح فراش وعدايــــه التِحدهن
ومثل جمرات طكَــن بيدي الجروح
هِرن جلد وعظــم بس ما اهدهن
نــعم هســـه الوكــــــت تغيير الوان
جروحي اخلاق ما غيرن جِلدهن
أشوشح من صدكَـ لو طابت اجروح
وَكيْف حيل لو شامـــــت مُردهن
اكعورهن وصُرهن بُغـﭽــــة اهموم
عَباله فلوس والجاهــــل حِسدهن
جروحي من الزغر مالبسن الشـاش
عرايــــه ولا هِدم يستر جَسدهن
عرايـــه ومــــا اورج عين للجــــار
غيوم اثكَال يتميزر رعدهـــــن
طبـــع بيهن يهيضن من يجـي الليل
سمو اخلاق ما خلفن وعدهـــن
ويبـﭽـن ليل لو كَعدن وحدهــــــن
جروحي من الزغر ياجوج ماجوج
خُلكَـ حاســوب ما يكَـــدر يعدهـن
عزيزات واّحبهن كبرن اويـــــــاي
لـ حَدر ضلعي اذا راحــن اردهن
دراويـــش الجروح ودكَـــن ادفوف
قهـــــر ليلي اذا تســـــأل مَددهن
سروج خيول من كدن اصيــــلات
على الكلفات اتنومس وشــــدهن
كَناطــــــر يـﭼــعمن ولماي خنياب
نهر حــــدار مِشـﭽـل يمدهــــــن
كَناطــــر امنـــــت درب اليعبرون
ولا عابر شـكو إشبيـﭼـن نشدهن
ونا المصيوب هولشـــت السواﭽـير
تشلــــه كَوم لو رايــــد تســـدهن
مثل نخلات عيط وحامــــن إعثوكَـ
تُساقط رُطب كون ايدك تهزهـن
جِمل صارن عليّ عميه السـﭼاﭽـين
طريح فراش وعدايــــه التِحدهن
ومثل جمرات طكَــن بيدي الجروح
هِرن جلد وعظــم بس ما اهدهن
نــعم هســـه الوكــــــت تغيير الوان
جروحي اخلاق ما غيرن جِلدهن
أشوشح من صدكَـ لو طابت اجروح
وَكيْف حيل لو شامـــــت مُردهن
اكعورهن وصُرهن بُغـﭽــــة اهموم
عَباله فلوس والجاهــــل حِسدهن
جروحي من الزغر مالبسن الشـاش
عرايــــه ولا هِدم يستر جَسدهن
عرايـــه ومــــا اورج عين للجــــار
غيوم اثكَال يتميزر رعدهـــــن
طبـــع بيهن يهيضن من يجـي الليل
سمو اخلاق ما خلفن وعدهـــن
