مساء الخير حبايب
شلونكم؟ يارب تكونون بخير
اقدملكم شي بسيط من كتاباتي
يارب ينال اعجابكم ..
.
.
.
احد اطفال الشهداء
استلم نتيجته من المدرسه وعاد الى البيت ولكن لم يجد والده لانه استشهد في المعارك الحاليه القائمه بين ابطال العراق والارهاب بكل مسمياته
وجد فقط صوره لوالده الشهيد
ف اخذ يكلم والده ويخبره عن نجاحه ويعاتبه ويقول
بابا نجحت
والله نجحت
مو كتلي اجيبنلك هديه ..؟
شمالك بسرعه رحت
انطوني شهاده المدرسه
وركاض اجيت لبيتنه
وناجح صحت
بس مو الك
لصورتك ناجح گلت
رايد اشوفن ضحكتك
بهالفرحه اشيلن ونتك
زين انت رايح للحرب
بس شعجب
ما مره حنت جبهتك
ما كالت وليدك نجح
ارجع وفرحه بحضنتك
تدريني ما افرح ابد
بس افرح انه بفرحتك
بابا نجحت
بس الشهاده تنگعت
من دمعي البگد النهر
ليش الشهاده استعجلت ..؟!
جتك واجتني بهالقهر
بس انه صف بيها عبرت
وانت عبرت كل العمر
بابا نجحت
بس والله لو جنت اعتقد
انجح تساوي انت رحلت
جان كعدت ..
يم المعلمه من الصبح
وتوسلت
هاچ النجاح اخذي الج
وارجع اشوفك منتچي
وجان انه جيت وهلهلت
وماكول يا بابا نجحت
اضحك واكول انه رسبت
ماريد اعدي المرحله
بس يمي اشوفك كل صبح
تضحك تصيح من الفرح
مو منجرح
والعمر بعدك هم صبح
ماصخ ابد ماينجرع
كل لحظه بيه بلا ملح
ادريك رايح للحرب
ولكاعك انت شكد تحب
للجنه رايح مو جذب
بس ما گلت .؟!
ولدي خطيه المن بقو
ومن بعدك انت شگد نعو .؟!
هاهيه بابا انه سكتت
الموته الي يمك هم بچو
يمكن حچو
كالو شبي هذا الولد
گبره انحفر
چي گلبه مات من البعد
لچن صحت
هاهيه راح افرح بعد
واشمر ضحكتي ع اللحد
واترك ابوي بجنته
وما راح اظلن مبتعد
وياك الله يا بطل
لتخاف انه وليدك اسد
ادعيلي عود بهالمهد
بي باي يا اجمل يا بلد
بـقـلـمـي : عـلاء كـريـم
شلونكم؟ يارب تكونون بخير
اقدملكم شي بسيط من كتاباتي
يارب ينال اعجابكم ..
.
.
.
احد اطفال الشهداء
استلم نتيجته من المدرسه وعاد الى البيت ولكن لم يجد والده لانه استشهد في المعارك الحاليه القائمه بين ابطال العراق والارهاب بكل مسمياته
وجد فقط صوره لوالده الشهيد
ف اخذ يكلم والده ويخبره عن نجاحه ويعاتبه ويقول
بابا نجحت
والله نجحت
مو كتلي اجيبنلك هديه ..؟
شمالك بسرعه رحت
انطوني شهاده المدرسه
وركاض اجيت لبيتنه
وناجح صحت
بس مو الك
لصورتك ناجح گلت
رايد اشوفن ضحكتك
بهالفرحه اشيلن ونتك
زين انت رايح للحرب
بس شعجب
ما مره حنت جبهتك
ما كالت وليدك نجح
ارجع وفرحه بحضنتك
تدريني ما افرح ابد
بس افرح انه بفرحتك
بابا نجحت
بس الشهاده تنگعت
من دمعي البگد النهر
ليش الشهاده استعجلت ..؟!
جتك واجتني بهالقهر
بس انه صف بيها عبرت
وانت عبرت كل العمر
بابا نجحت
بس والله لو جنت اعتقد
انجح تساوي انت رحلت
جان كعدت ..
يم المعلمه من الصبح
وتوسلت
هاچ النجاح اخذي الج
وارجع اشوفك منتچي
وجان انه جيت وهلهلت
وماكول يا بابا نجحت
اضحك واكول انه رسبت
ماريد اعدي المرحله
بس يمي اشوفك كل صبح
تضحك تصيح من الفرح
مو منجرح
والعمر بعدك هم صبح
ماصخ ابد ماينجرع
كل لحظه بيه بلا ملح
ادريك رايح للحرب
ولكاعك انت شكد تحب
للجنه رايح مو جذب
بس ما گلت .؟!
ولدي خطيه المن بقو
ومن بعدك انت شگد نعو .؟!
هاهيه بابا انه سكتت
الموته الي يمك هم بچو
يمكن حچو
كالو شبي هذا الولد
گبره انحفر
چي گلبه مات من البعد
لچن صحت
هاهيه راح افرح بعد
واشمر ضحكتي ع اللحد
واترك ابوي بجنته
وما راح اظلن مبتعد
وياك الله يا بطل
لتخاف انه وليدك اسد
ادعيلي عود بهالمهد
بي باي يا اجمل يا بلد
بـقـلـمـي : عـلاء كـريـم
