اخذ حصته الدرب ..من طولي اكل شبرين
بمكاني البي جنت واكف بقت حفرة
وكفت مصدوم صدمة شاعر بجمهور
فحل...بس كلها طلعت من صعد يقره
مااميز..جنت تضحك علي؟ وياي؟
وجهي اصفر واشوفن ضحكتك صفرة
افلسلك سوالف طيبة واحجي وياك
وأرش عالصوت ريحة وتكشخ النبره
واهز اذني من اسمعك هزة الفنجان
كهوة تصب بذاني سوالفك مره
غير لساني ..كلي شكصرت وياك؟؟
وخذت من عندي كلشي ومااخذت عبرة
يوجعني الهوى من اتنفس بفركاك
الي وياك جان بكل نفس ذكرى
بدونك..شجرة ميته..اداينت عصفور
وذكروها بزمن بي جانت مخضرة
بعمر اولاد مسلم ضاع حلمي وياك
وضميرك..كله كوفه منين ماافره
احط صفنه عله صفنه وابني عش صفنات
وتجي حجارة بصفنتي تطير الفكرة
واورث شمعه واشرب من ضواها انفاس
الجكارة كصيرة تخلص بأول السهرة
ومامتعافي امد ..جرحي عله كد غطاي
وافرش سالفه واتلفلف بحسرة
طب براسي تلكه احلامي كلها كياش
وتطب لأعمق حلم تتحفه وتعبره
تستنكف عيوني يمرها غيرك طيف
مثل بابي الكمت تستنكف تمرة
ترى اعذارك قديمه كامت تذب لون
اليغيب ليا وكت يتلثم بعذرة
ادري شعطلك عالموعد وماجيت
ضبطت الساعة بس النية متأخرة
تعال لجيتك ضميتلك سجين
من هاي التعجبك..تكطع العشره
محضرلك ضلع...ماشافته الشمات
ضلع مابي زلغ..تستاهل تطبره
من كثر الندم ..خضرن بجفي سنون
وتدفة عله جفي من اصفك بحسرة
وهو ذنبي..الستر بالنهر مامريود
شك ثوبك لونك رايد تعبره
بحكم ضرف المكان اعراب ضرف الحال
مرات التكرهه....بلهفة تنتضرة
فوك الكاع...نكره خشبة التابوت
والبشط غرك...يدعيلها تحضرة
وأنه الهضمتني طيبة كلبي ويه الناس
زرعت النخلة بيدي وماضكت تمرة
ما دفعوني..رحت برجلي...جبت الماي
وطحت بالبير...ليش اصحابي تتبرة؟
وبأخير الجادر..يضحكون ثالث يوم
وأخوهم توه ميت..بي دفو بكبرة
هذا الميت انه..المايخنكه تراب
بس لمن سمعهم...خنكته العبرة
لــ سيف الحلفي
بمكاني البي جنت واكف بقت حفرة
وكفت مصدوم صدمة شاعر بجمهور
فحل...بس كلها طلعت من صعد يقره
مااميز..جنت تضحك علي؟ وياي؟
وجهي اصفر واشوفن ضحكتك صفرة
افلسلك سوالف طيبة واحجي وياك
وأرش عالصوت ريحة وتكشخ النبره
واهز اذني من اسمعك هزة الفنجان
كهوة تصب بذاني سوالفك مره
غير لساني ..كلي شكصرت وياك؟؟
وخذت من عندي كلشي ومااخذت عبرة
يوجعني الهوى من اتنفس بفركاك
الي وياك جان بكل نفس ذكرى
بدونك..شجرة ميته..اداينت عصفور
وذكروها بزمن بي جانت مخضرة
بعمر اولاد مسلم ضاع حلمي وياك
وضميرك..كله كوفه منين ماافره
احط صفنه عله صفنه وابني عش صفنات
وتجي حجارة بصفنتي تطير الفكرة
واورث شمعه واشرب من ضواها انفاس
الجكارة كصيرة تخلص بأول السهرة
ومامتعافي امد ..جرحي عله كد غطاي
وافرش سالفه واتلفلف بحسرة
طب براسي تلكه احلامي كلها كياش
وتطب لأعمق حلم تتحفه وتعبره
تستنكف عيوني يمرها غيرك طيف
مثل بابي الكمت تستنكف تمرة
ترى اعذارك قديمه كامت تذب لون
اليغيب ليا وكت يتلثم بعذرة
ادري شعطلك عالموعد وماجيت
ضبطت الساعة بس النية متأخرة
تعال لجيتك ضميتلك سجين
من هاي التعجبك..تكطع العشره
محضرلك ضلع...ماشافته الشمات
ضلع مابي زلغ..تستاهل تطبره
من كثر الندم ..خضرن بجفي سنون
وتدفة عله جفي من اصفك بحسرة
وهو ذنبي..الستر بالنهر مامريود
شك ثوبك لونك رايد تعبره
بحكم ضرف المكان اعراب ضرف الحال
مرات التكرهه....بلهفة تنتضرة
فوك الكاع...نكره خشبة التابوت
والبشط غرك...يدعيلها تحضرة
وأنه الهضمتني طيبة كلبي ويه الناس
زرعت النخلة بيدي وماضكت تمرة
ما دفعوني..رحت برجلي...جبت الماي
وطحت بالبير...ليش اصحابي تتبرة؟
وبأخير الجادر..يضحكون ثالث يوم
وأخوهم توه ميت..بي دفو بكبرة
هذا الميت انه..المايخنكه تراب
بس لمن سمعهم...خنكته العبرة
لــ سيف الحلفي
