بديل كريمة الطبخ الاقتصادية 🍶

[مَـاسَـةٌ]

بديل كريمة الطبخ الاقتصادية
المقادير:
نص لتر حليب كامل الدسم
2 معلقة كبيرة ممسوحة نشا 20 جم
2 معلقة كبيرة زبدة
نص ملعقة صغيرة ملح
رشة فلفل أبيض (اختياري)

الطريقة:
ذوبوا النشا في حوالي 100 مل من اللبن البارد مع التقليب لحد ما يختفي تمامًا.
سخنوا باقي اللبن مع الزبدة على نار متوسطة لحد ما يبقى دافي من غير ما يغلي.
ضيفوا خليط النشا مع التقليب المستمر بمضرب سلك.
استمروا في التقليب لحد ما الخليط يغلي ويبدأ قوامه يتماسك ويبقى كريمي.
ضيفوا الملح والفلفل الأبيض حسب الرغبة، وبعدها ارفعوه من على النار.

ملاحظات
لو عايزين قوام أتقل، زودوا النشا لـ 25 جم
لو عايزين طعم أغنى، أضيفوا 30–50 جم جبنة كريمي أو شيدر مبشورة
تتحفظ في الثلاجة لمدة 2–3 أيام في علبة محكمة الغلق
لو عايزين تحفظوها فترة أطول:

في الفريزر: ممكن تتحفظ حتى شهر إلى شهرين في علبة أو أكياس محكمة الغلق.
عند الاستخدام، سيبوها تذوب في الثلاجة ثم سخنوها على نار هادئة مع التقليب، ولو القوام بقى سميك أضيفوا شوية لبن.

 

[آهات حالمه]

موضوع رائع ،
يعطيك العافية على الطرح المميز
وبانتظار جديدك دائماً.