رد: برنامج شاركوني ذكريات حياتي (١٢)..تعالوا تعرفوا على ابرز ذكريات ومحطات حياة ضيفنا الغالي ..مجيد السيد
لا تزعل الى مجيد السيد بقلمي
ما رايد مشاكل خل اروح ابعيد
ولا اخسر اخو بالشدة الي ايفيد
ولا اخسر محبة ناس التحبني
نضل اخوة انتشابك ايد تشبك ايد
ضلمه دنيتي لو غبت عني بيوم
واني انطر يخوية جيتك كل عيد
تزعل ليش كلي بمحضر الشيطان
تعال اكرب يخوية والزعل ميفيد
باجر راح اجيك واعتذر منك
ولوغلطان انت وانت ابو التهديد
بس كلبي سمح ما يزعل من الناس
لو يزعل عليك الروح لا متهيد
حضر عشى باجر واعتني خطار
لا اتحضر فلافل انريد بس اثريد
راح اجمع الشله انصالح الزعلان
نعيد الملتقى والفرحة من اجديد
تحياتي للاخ الزعلان مجيد السيد
عماد
تكمله
عرفتك بالشعر استاذ وانسان
وانت اروع بشر بالكــــون كله
حلوة اطباع عندك توسع الكون
واسمك بين ربعك دومه يعـــــله
مجيد انت اصل للطيب عنوان
وشخصك بالخلك محد يمله
نوبه احنه نزعلك دون اسباب
وندور مجيد عليك زله
بس كلبك سمح ويسامح بساع
والمفروض اسمك عالمسلة
هذا ما كتبته عن اخي مجيد
الله لايجيب الزعل بيناتنه انا وياك تؤم بكلشي حتى بضحكاتنه
ومن نحزن نحزن سوه وتنزل بلحظة وحدة دمعاتنه .
اتذكر هاي القصيدة وسبب كتاباتها وينطبق عليها المثل
احاجيج يابنتي واسمعج ياجنتي ههههههه .
يعني كان شخص اخر زعلان مو اني وهم جبت اسمي
ولطشته بالقصيدة ههههههه هيج اسمي حلو مستمر لفظة
على السانك
تحياتي حبيبي عماد المحترم
