بطلت وياك العب..

[العـ عقيل ـراقي]

بطلت اوياك اللعب ، ثاريك من اللعب تزعل

وياحسافة اتوهمت بيك وظنيت عشكك ماينحل

احبيب اكليبي من تعوفة جالهدم عالفراكك يسمل

وبنص ثوبي وبين الوادم لو مر طاريك اخجل

جه لنك عفت روحي الشالتك عالهدب مكحل

بطلت بيك انه اسولف وبطلت بظلك اتختل

ثاريك فزاعة بساتين وودمك للصكر تنذل 1

ويامة كتلك انت البحر وانه من سماك انهل

وكتلك راعي اسنيني سنابل وانت بيدك المنجل

علام تحصد اسنيني وغرست بعيني المكحل

امفرع يسمر وادعيلك ومن اشوفك بس اهلهل

تاليها بيد شامت ايدك وتمر عالبابي ماتخجل

بطلت اوياك اللعب ثاريك من اللعب تزعل




1...فزاعة بساتين ..يضعون الفلاحين عصا وعليها ثوب قديم لأخاف الطيور حتي لاتأكل الحبوب المنثورة


10/03/2015
العـ عقيل ـراقي​

 

[Your destiny is I am]

رد: بطلت وياك العب..

كلاَم رائعْ

دُمتْ وداَم لناَ نبضْ عطائـك

لا عدمناك
,

 

[العـ عقيل ـراقي]

رد: بطلت وياك العب..

شكرا لك
كل الامنيات
عقيل العراقي

 

[العـ عقيل ـراقي]

رد: بطلت وياك العب..

عاشت ايدك
شكرا لك