بعد ما ريد فيزه ولا لجوء انـسان

[رومانسي بس منسي]

بعد ما ريد فيزه ولا لجوء انـسان .... عمت عين الاقامه الدنست صـيتي​

​

واشكر كل صديق وكل خوي وكل جار .... قـفل بابه ورفض يـقبل عراقيتي​

خلف الله عليكم والوكـت دولاب .... لا بد يوم يـنزل بيكم ارضيتي​

لان اول امس كل البشر خـدام .... أجوا للـعراق واكلـوا ابيتـي​

جان الضيف عندي مكرم ومهـيوب .... فوگ الراس اشـيله وهاي تربيتي​

ما داعي اسولف وانا ابو النـهرين .... ياهو الـما سمع اخـبار حنيتي​

بعد بصـمات اديهم والطبع موجود .... من جانوا جياع بوسط صيـنيتي​

يـا دنـيه حرام ومـنكر ومـكروه .... اذا ابـن الـعراق الـيوم وطْيتي​

معـقوله نسيتي اسم الـعراق بساع .... لـو مثل الـبشر همّن تـناسيتي​

مـيفيد الحچي ولا تـنفع الـچـلـمات .... راجع يا وطن لترابـك الزيـتي​

راجـع يـا حـبـيبة گـلبي يـا بغداد .... وادرى بكـثر ما ونـيت ونيـتي​

وادري لوحّدج عفناج صار سنين .... وادرى من الحزن تابوت سويتي​

جيب الاغتراب وحـطه بالـتابوت .... يا غربه للـعراق شكثر اذيتي​

ما اعيـش ابّحر مالح طـعم يا ناس .... انه بسجن دجله وفقط حريتي​

وترابي ذهـب والگاع من ياقـوت .... ومن ثوب الكرامه البسهه بيريتي​

واذا گالوا لترجع والوضع مو زين .... اگول اني الوضع والزين تاليـتي​

وميهمني بعد ليصير خلي يصير .... طعم الموت اشرف من هجر بيتي​

أموت بوسط خوتي ويا حلاة الموت .... من اجمع اهلـنه واكتب وصيتي​

وصيتي لو متت لتچفنوني أچفان .... لفوني بعلمنه وهاي امـنيتي​

واذا تردون اليا بهالگبر ارتاح .... امانة الله دفنوا وياي جنسيتي​

 

[ღ اسيل الفلسطينية ღ]

رد: بعد ما ريد فيزه ولا لجوء انـسان

كل آلشكر وآلتقدير
دمتِ ودآم عطاؤك

..​

 

[وردة الصحراء]

رد: بعد ما ريد فيزه ولا لجوء انـسان

كلمات رائعه شعر مميز

عاشت الايادي دمت بخير

 

[رومانسي بجنون]

رد: بعد ما ريد فيزه ولا لجوء انـسان

شكرا ع الموضوع

دائما التالق والاببداع

يعطيك الف عافيه

تحياتي

 

[Pгιиċεѕѕ Ńoυгнaη »❥]

رد: بعد ما ريد فيزه ولا لجوء انـسان

طرح موفق
بوركت الايادي
دمت بروحك الاصيله