بعد متفيد صوره ولا شعارات
ولا اذن تتقبل كلمه تعيش
وطنه مخترق كل كرسي الـ بيه
ابو التفتيش نفسه يريد تفتيش
شعب كله مهمش والنفط راح
وحت دجله و فرات لحكت تهميش
وطنه احترك و يصيح المسؤول
وطنه بخير كلهن ذني بالريش
اسأله عالاعمار يكلي موجود
تفلشنه ويصيح ماكو تفليش
وصلن خط النهايه خيول الاعداء
وخيلك ياعراق بغير تجبيش
ابو الاميه يكرك صار الاستاذ
وخريجينه صارو فراريش
المجوي كصته انعرف شيريد
وعرفنه بفتوى مكصر الدشاديش
و عرفنه العكل شنهي و بين الزين
و عرفنه المخفي ما تحت الطرابيش
ضلام عقولنه زحناه للدوم
و بعد لعقولنه ما تمر خفافيش
دخلنه بالمفيد اللعب عفناه
وابد ما نلتهي بصوت الخراخيش
اكو لشعر اللحايا عدنه منكاش
و لشيطانهن عدنه مناكيش
تلطم ؟ او تغني ؟ انت مرخوص
و ارخصك لو صرت ويه الدروايش
لكن عالاخو ما اريدك تصير
قذيفه مهيئه بحلك الخراطيش
رصيد البرلماني بقه محفوظ
و كضاها على الناخب فقط ترميش
و غدا بيناتنه بس الصناديك
النظر 6 على 6 وماكو تغويش
عذرا صار لود انغثو هواي
و على ابيات القصيده صار تشويش
مـــل
ولا اذن تتقبل كلمه تعيش
وطنه مخترق كل كرسي الـ بيه
ابو التفتيش نفسه يريد تفتيش
شعب كله مهمش والنفط راح
وحت دجله و فرات لحكت تهميش
وطنه احترك و يصيح المسؤول
وطنه بخير كلهن ذني بالريش
اسأله عالاعمار يكلي موجود
تفلشنه ويصيح ماكو تفليش
وصلن خط النهايه خيول الاعداء
وخيلك ياعراق بغير تجبيش
ابو الاميه يكرك صار الاستاذ
وخريجينه صارو فراريش
المجوي كصته انعرف شيريد
وعرفنه بفتوى مكصر الدشاديش
و عرفنه العكل شنهي و بين الزين
و عرفنه المخفي ما تحت الطرابيش
ضلام عقولنه زحناه للدوم
و بعد لعقولنه ما تمر خفافيش
دخلنه بالمفيد اللعب عفناه
وابد ما نلتهي بصوت الخراخيش
اكو لشعر اللحايا عدنه منكاش
و لشيطانهن عدنه مناكيش
تلطم ؟ او تغني ؟ انت مرخوص
و ارخصك لو صرت ويه الدروايش
لكن عالاخو ما اريدك تصير
قذيفه مهيئه بحلك الخراطيش
رصيد البرلماني بقه محفوظ
و كضاها على الناخب فقط ترميش
و غدا بيناتنه بس الصناديك
النظر 6 على 6 وماكو تغويش
عذرا صار لود انغثو هواي
و على ابيات القصيده صار تشويش
مـــل
