بغداد لميعة عباس عمارة

[✿قہہمہہر✿]

بغداد

لميعة عباس عمارة

عشر الملايين الهواهم
ولا لي عوض
فارگتهم بالرغم
فرض علي انفرض
وماصاحبي بعدهم
غير التعب والمرض
والدمعتين التنام بشعري تالي الليل
اگول خلصت
وثاري الخلص بس الحيل
ادري چبيره الأرض
بس مالي بيهه غرض
نام النحبهم ترى
ياقلق بسك عاد
بعيد في النخل
والغربوك ابعاد
ولهالحدود الوفه
ياگلب ماينراد
دنياك گلهه سحر
طير بسماهه طير
گطع اخيوط الشرك
واتعلم آمن الغير
ليش المحبه وقف
إلا اعلى اهل بغداد؟
باريس حلوه
وأمريكا حلوه اشكثر ماگول
بس بغداد
تظل لمعه اعيوني من احچي
وتظل ضحكتي الصدگ
وتظل طعمه الزاد
وبغداد مشيت بطر
وي نهر المخوف اسدوده
نومة سطح والتحبه موسدك ايده
ريحة اتراب الدرب
مرشوش عصريه
سهرة أحباب
أعلى شاطي ودنيا گمريه
وفزة هلا
ابجية محب ابلايه ميعاد
وبغداد عمري الگضه
والبعد ماينعاد

 

[mohammed.shams]

لجهودكم باقات من الشكر والتقدير
على المواضيع الرائعه والجميلة

 

[✿قہہمہہر✿]

نورررت

 

[غزل..ᥫ᭡]

-

سلمت الأيادي ..
ويعطيك العافية لـ [BGCOLOR=rgb(247, 218, 100)]عطائك الجميل [/BGCOLOR]
لروحك جنائن الورد .."

 

[✿قہہمہہر✿]

منورررة

 

[قيصر الحب]

بدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[✿قہہمہہر✿]

نووورت