بكثر ماغبت انت الروح تشتاك
بكثر ماافرك من الحركه الجفوف
بكثر ماكاتب الشخصك عبارات
بكثر ماشالن اسمك بين الحروف
وانته بدنيا عايش تنزف افراح
وانه ع المااشوفك انزف بخوف
عفتني وصدكت كالولك ارتاح
وطفه اخر نفس بالعين لشوف
اجيب الراحه كلي بهجرك منين
وجه حتى القميص عليك مخطوف
اسود عكس راسي الباض بجفاك
بكثر مايمه صوت احزاني معزوف
كبل جانت اجتافي تشيل الاجبال
وهسه النسمه كامت تحني الجفوف
بادن كل سنيني وماتن ايام
مثل موت الجمر يم حلك الكطوف
جنت بروحي جاري ودوم اوصيك
يتبده النهر لومالكه جروف
صرت كلي جرف بس تكفخ بغيض
ويسألوني واكلهم ليه ملهوف
ماوكفن بعينك ذني شبيك
تصيح من حياتي فلان محذوف
متهني بشمعتك ينكضي الليل
ويرد موسم نهاري وترجع تطوف
وبعدني اشتاكلك رغم الجره وصار
وموت من اذكر اعيونك والزلوف
