بلاية وداع ||~

[‏أعہشہقہ أنہفہاسہكہ]

بلاية وداع ||~
زنجر قفل روحي
وحاير بناري
ومن كلبي اعلة كلبي
أنكطعت اخباري
ذكرتك.....
يا عشر تيام تفاحات
عشرت كل حياتي ..
وصارن اسراري
جم ليلة اعلة ليلة

​

ايعز علية النوم
بس حلمك توالي الليل خطاري
وتحمر بالعتب وجنات خطاري
يالطخة كحل بطوارف القمصان
من كل ما كضيتة ...
وياك تذكاري
ياوردة بنفسج ...
والكمر نعسان
وعيونك كمر للصبح كماري
يارقة نبض هنيال من حباك
وندكلك نذر للصوت للطاري
للبسمة التشع بالروح شمس اسطوح
وتتناثر شعر ما توصلة اشعاري
لعيونك.عيونك حيرتي بدنياي
جلت من حورهن قدرة الباري
وتكلي...تغيرت؟؟؟
شو مو رسومك ذيج
تمنيتك تحبني وتنجوي بناري
وكبالي اكعدكعاشك ومعشوك
واحجيلك بحال شصار وجاري
واكاسرلك حناني بطعم خمرةدير
وتسكر الزمن وتلاعب اوتاري
واغنيلك غنة ..بهداي بهداي
اعلة خيبتنة
اعلة هضمتنة
وسفنة الراحت....
وية الروح حداري...
وازعلك لذتك بالعشك من تغتاض
واتكطر شفافك عسل كنطاري
وارضيك بولك يابعد هاي وهاي
واتعذر سنة وما تقبل اعذاري
من حب اهلنة الراح مو حب هالوكت..
والعشك طياري

||

بلاية وداع
مثل العود من يذبل ....بلاية وداع
ومثل الماي من ينشف .......بلاية وداع
تدريني هرش واوجرت بية الكاع
يا رخص العشك من ينشره وينباع
جنت بليل المحبين ....شلذ اسمك على الخاطر
وجان الشوك بيك رسوم .. حلوة ..ولهفة مسافر
وجنت وياك
خلك الكاع للكيض .... وصبر شاعر
وبلا جلمة التنكال
كل ذاك الفرح ينشال
وظنون المحبة تظل بلاية وداع
يا رخص العشك من ينشره وينباع
شلون الماي......
يكدر ينكر اجروفة
شلون العين تكدر .....شوفها تعوفه
وابو جفوف الحنينة.... شلون يرضى
اتبيعنا جفوفه ......
وبلا جلمة التنكال
كل ذاك الفرح ينشال
وظنون المحبة تظل بلاية وداع
يا رخص العشك من ينشره وينباع


عريان خلف

 

[ياسمينه]

رد: بلاية وداع ||~

شكرا انيقه لسموك

 

[‏أعہشہقہ أنہفہاسہكہ]

رد: بلاية وداع ||~

أج ــمل وأرق باقات ورودى لردك الجميل ومرورك العطر كل الود والتقدير

 

[آهاات حالمة]

رد: بلاية وداع ||~


سلمت يمناكِ
لاتحرمينا جديدكِ
كوني بخيرر

 

[قيصر الحب]

رد: بلاية وداع ||~

روعة جداً ما كتبته

واحساسك فاق كل الروائع
لم استطيع سوى كتابة تلك الكلمات البسيطة جداً
فتقبل مروري ببساطته​

​

 

[‏أعہشہقہ أنہفہاسہكہ]

رد: بلاية وداع ||~

أج ــمل وأرق باقات ورودى لردك الجميل ومرورك العطر كل الود والتقدير

 

[آحہمہد آلآسہديہ]

رد: بلاية وداع ||~

عاشت الايادي

 

[‏أعہشہقہ أنہفہاسہكہ]

رد: بلاية وداع ||~

أج ــمل وأرق باقات ورودى لردك الجميل ومرورك العطر كل الود والتقدير

 

[كيان الم]

رد: بلاية وداع ||~

اختيار موفـق
سلمت اناملك عـلى طرح كل ماهو جديد
لاحرمنا الله هذه الابداع والتمـيز
لكـ مني خالص احترامي وتقديري
وانتظر جديد تميزك في الطرح القادم بأذن الله
تحياتي لك لاعدمناك

 

[‏أعہشہقہ أنہفہاسہكہ]

رد: بلاية وداع ||~

أج ــمل وأرق باقات ورودى لردك الجميل ومرورك العطر كل الود والتقدير