بياعة هوى!!
صرتي بياعة هوى ياهو ألاجه دك بابج
أو ميهمج اليشتري بس المهم يشتري وينظاف لحسابج
شاهينه انتي وجارحه كل صيدج ابمخالبج
أوجم واحد الماعرف أو داسه قبقابج
اوصدك سواليف العشك وضل ساجد أبمحرابج
مصدك بكلمة كبد أوهوه اعز أحبابج
بس القهر لمن يفز أو يخنكه عطابج
عندج معاميل اتقشمروا أو جلبوا بثيابج
مسكين من صدكج أو عضته نيابج
والسعله عندج بالرخص ميهمج المعميل
يرجع يعود العصر ميهم اذ بالليل
وميهمج المارجع غيره اكو موجود
يشتري جمله شلع أو ميهمج الميعود
سوك الهوى عرض وطلب وسعار مضروبه
الموشاطر ويفتهم ابيع حت ثوبه
الي يطيح ابقبضتج حريته مسلوبه
ماتنفع الحيف أو ندم ولاكولت التوبه
ترمين سهم الغدر او صيدتج مصيوبه
هدافه ومارسه ولعبتج ملعوبه
صدكيني اللعبه انتهت ونشكت الطوبه
والي ربح مثل الخسر ماخله شي بجيوبه
أو خليج بياعة هوى الزمن كدامج
يكشف سراير لعبتج و يكشف الثامج
وهذه نهايه رحتلي سجليها بكتابج
موت العطش ارحم ولا شهد خنيابج
يالصرتي بياعة هوى ياهو ألاجه دك بابج
ثكل الجذب واضح ظهر ماضمه سردابج
واياج جلمة عتب مااسمع اعتابج
دموع التماسيح انشفت من شافت اهدابج
بقلمي
خلدون الأنباري
رمااد اا نسان
