أبو حيدر المالكي 
بيك ماأكتب شعر شعبي ولا فصيح
لأن كل الشعر يعجز يبو اليمّه شمامدح
گلبي مخنوگ وردت اشتم هواك
وارد اندبك حتى صدري ينشرح
مثل ما معلول يتعنّه الطبيب
حتى يوصفله الدّوه اليشفي الجرح
انصح المخنوگ مثلي من يصيح
وينخه أبو اليمّه وحق حيدر فرح
الجنّه تفوح من طفك وسِربيه❤
العليل إيطيب لو شمّه وسَربيه❤
هنياله العرف دربك وساربيه❤
يبو اليمّه وأخذ نهجك هويّه
#التعنّه_بليلةالجمعه وصلّه❤
وطاف بحضرته وزاره وصلّه❤
بيمينه يحمل إكتابه وصلْ له❤
يختمه المهدي إله بهاي المسيّه
❤❤❤
إجيتك يبو السجاد أرفع قضيّه
بضلع أمك ألزهراء تگضيها إليّه
بضلع أمك المكسور عاين الحالي
طگني القهر والعوز آني واعيالي
يا إبن داحي الباب يا بو الأيمّه
كلمن نخاك اليوم اتفرجلّه همّه
إدخيلك يبو السجاد ضكني الوكت حيل
#ميّةجرح_بالروح ياسيدي إدخيل
