تتلاگه لهفه

[آهاات حالمة]

​

گتلي من تزغر الدنيا​

​

الشوگ يكبر والسچچ تتلاگه لهفه..! ​

وكتلي من تبرد الوادم​

نحتفل گيض ودفـو ​

ونعبر على النسيان صدفه..!​

وشاورتني​

وغمضت روحي هلاهل مستحين!​

وجانت الشبگه حرز​

وحچايتك شبّاچ مرقد​

وحدر كل صفنه رماد وليل بارد..​

وفوگ كل دمعه قصايد ..​

ومدري ليش استغفر الله ومالي بوداعك ذنب! ​

ومدري ليش السالفه التلبس حزن ماتنچهب!​

تغفى وبعينك نهر!! ​

اطيح عنگود .. وضمير الگاع ماغاسل شراعه​

وچان مرفوع اعله طولك وانكسر! ​

بيا ربيع اتجيسني​

وتاخذ من الغيم حزني​

ويمي تمطر عافيه بواهس شحيح!! ​

شمالني من الصفنه اطيح! ​

شمالني من البچي البيّه ​

تشوفني الوادم ضريح!!

​

 

[OffLine]

رد: تتلاگه لهفه

كلمات روووعه
سلمت اديك اختنا

 

[الشيخ]

رد: تتلاگه لهفه

جميل

مشكورة اهات

 

[المشتاق]

رد: تتلاگه لهفه

أبنتي المبدعة آآهآآآت حآلمــــــــــــــــة

سلمت يدآكِ لهذه اللوحة الرآئعة
والقلآدة الجميلة
ذآت الإطآر السآحر
{{ تتلآگــــــــــــــــــــه لهفه }}
دآم لنا فيض العطآء
وللمزيد مِن الإبدآع والفن
تحيآتي
مع بآقة ورد
​

 

[آهاات حالمة]

رد: تتلاگه لهفه

تقديري لكم ولعبير تواجدكم المعطر بالورد
ارق التحايا لكم

 

[فاتنـــهـ بعشقي]

رد: تتلاگه لهفه

سلمت الايادي ع الذوووق المميز والرائع
يعطيك العاااافيه
بنتظار جديدك الراقي

 

[آهاات حالمة]

رد: تتلاگه لهفه

اشكر مروركِ وتواجدكِ العطر
نورتي الموضوع
تحيتي والتقدير لكِ