تره الدنيا مواقف بين هاي الناس ….

[نجم المياحي]

وصل بيك القطار الاخر المشوار …
وضميرك صاح نازل وانته نزلته …
عفت حبي وحناني وعشرة الايام ….
ماهزك ضميرك كلبي من خنته ؟…..
صرت حيل انزعج لو مر علي طرواك …
ودفتر ذكرياتك بيدي شككته ….
عفتني باالألم وجروحي مفضوحات ….
ومواويل الحزن لجروحي سمعته ….
ياوسفه وندامه وفوكهن ياحيف ….
من طاح الحمل وياي ماشلته ….
تره الدنيا مواقف بين هاي الناس ….
واصحاب المواقف كلهه ذاكرته ….
من طبع الجرح يتعالج ايطيب ….
بس الأثر يبقه اشما عبر وكته ….
دنيا وبيهه اعيش اشلون ماكان ….
لأن كل البشر للموت اخرته ….
ما اهتم بعد لو ردت عني اتروح ….
اسمك من خيالي ومن العقل شلته …​

 

[سكنات القلب]

رد: تره الدنيا مواقف بين هاي الناس ….

كلمات رائعه بجد
سلم قلمك اخي

 

[أحساس وفى]

رد: تره الدنيا مواقف بين هاي الناس ….

** كلمات. جميله **
سلمت أناملك آخي.
دووم ألابداااع.
تحيتي.

 

[حكاية صمت]

رد: تره الدنيا مواقف بين هاي الناس ….

عاشت يدك

طرح مميز

تحياتي

 

[رمااد اانسان]

رد: تره الدنيا مواقف بين هاي الناس ….

حلووووووووووووو يسلمووووووووو

 

[فاضل البصراوي]

رد: تره الدنيا مواقف بين هاي الناس ….

صح لسانك نجووم