تعال ابريني ذمه اليوم اخر يوم
واجه وكت البجي مطلوبه دمعتنه
غصبن نفترك والفركه شي محتوم
سواها الزمان وراد فركتنـــــــــــــــه
شتت كل شملنه وطشر الصحبــان
مانرجع بعد وتعود لمتنـــــــــــــــــــه
خلص عمر الشباب وضاعت الاحلام
وهب ريح التخرج طفه شمعتنــــه
الكلية انتهت والورد صب دمــــــــوع
من شاف الحزن بشفاف ضحكتنه
ونشوف النادي عزل وبقت بس اثار
وبقة فارغ مكان البيه كعدتنــــــــه
شالوها الجداول وسدو القاعــــات
وبدون اسماء ظلت بيض لوحتنـــــه
يسالني القلم شبسرعة صار اوداع
وتتسالني الدفاتر وين رحلتنــــــــه
فدوه انطونا فرصة انريد نبقى اهنا
مانريد الشهادة نريد صحبتنـــــــــه
بعد فترة للزمن مهما يدور الكون
امانه الله لاتنسون ذكرتنــــــــــــه
