تعال انطيني خصرك

[مخملية]

تعال انطيني خصرك خل احضنك حيل
وامدلك هالجسد وانطيك جفيني
واذوبن خلني اذوبن واحترك بالنار
وحيل احركني بيدك ﻻتطفيني
وانا العطشانلك عطشت نهر للماي
بشفافك عسل من عدها رويني
جهنم عشرتك وادري بمصيري النار
واحسها النار جنه البيها ترميني
احس دفيان احس من اسمع بطاريك
ومحبتك لو حلم هم ﻻتصحيني
واذا حبك سجن مددلي باﻻحكام
ومؤبد خلني اعيشن باقي سنيني
ترف شفاف كلبي وبيك اذوبن حيل
وادوخ انه بغرامك وانته تدريني
اشككلك قميصك واعترف للناس
واكولن تهمه هاي وبيها يرميني
واذا تبعد اكولن غايب ةومعذور
واعيش بذكرياتك جي تسليني
احس روحي ويه روحك مثل نجمه وليل
واحس روحي بمهد وانته التناغيني
واتحسر عليك امرار وانته وياي
جي وياك ماخلصت عشريني
واضل شاريك اني وغيرك الينباع
واعرفنك حبيبي وصدك شاريني
وماقاريك احسن وجني هسه اقراك
ﻻن تعرفني احسك وانته قاريني

 

[العـ عقيل ـراقي]

رد: تعال انطيني خصرك

ترهم ما ترهم بقت ابكيفك
تحل الزيج لو ترخه يظل يجويني

حوبة كون اتمر عله الليالي
ومايبين بيها كمر ويضويني

الناس بالماي تشرك وتغص
وانه بحلاة خصرك حيل ياذيني

كلهن سلمتهن ولا مفتاح خليت
وهلبت تمر شمسك لحظه تدفيني

اعرف حيل ملكونه الروح بشوفك
بس خطية صار ايام انتظر تحاجيني



اسف للمداخة..
عقيل العراقي
​

 

[مخملية]

رد: تعال انطيني خصرك

تعال انطيك كلبي وشوفني شلون..
ألك اشتاك وي كل دكة منــــة
ولك لا بيك طيب يجيبك لملـــكاي..
ولا هزتك فد يوم المحنة
وآني شبية عود وليش مهتم بيك..
وانت الحبك عيونك نسنة
اذا بالجنة عايش وانت مو وياي
احسهة نار تصير وماهي جنة
ولك لا أتوب منك لا أمل طاريك
وان سوالفك عقلي خذنـــة
شيب راس كلبي وماهو كبر سنين
بس دكاتك انت الشيبنة
وانت تبرة مني وكلي راح انساك
واذا ينساك كلبياتبرة منة
اني يفور دمي من اسولف بيك
وانت شبيك تبرد من يذكروني
احبك والله يدري بيوم الاكيك

تشل أعضاي يا ناسي المحنة

بلمسات اناملك هنا اكتمل البوح والنثر الممزوج برقة إحساسك

أنرت صفحتي عزيزي عقيل العراقي

 

[المشتاق]

رد: تعال انطيني خصرك

بسم الله الرحمن الرحيم


أختي الكريمة

مخمليـــــــــــــــــــــــــــــــــــــه​

سلمت يدآكِ للوحة الجميلة والرآئعة
والقلآدة السآحرة
{{{{{ تعآآآل إنطيني خصرك }}}}}
دآم لنا فيض العطآء
وللمزيد منَ كل جديد
تحيآتي ودعآئي
دمتي موفقة​

 

[مخملية]

رد: تعال انطيني خصرك

سلم لنا إعطاءك اخي المحترم

شكراا لمرورك

 

[وردة تكريت]

رد: تعال انطيني خصرك

تسلمي على الجهد المبذول

 

[مخملية]

رد: تعال انطيني خصرك

منوره ياوردة

 

[شمس]

رد: تعال انطيني خصرك

رائعه جدا ماخطت يدااك
ابدااع رائع لايصدر الا من
قلم مميز
دمتي بوود

 

[مخملية]

رد: تعال انطيني خصرك

انرتي ياوردة الورود