تعبني بغرامك حيل.. ما اتعب
يالحتى بصدودك ياترف تنحب
يابحر الحزن..يمعاشر الاسرار
شد اشما تريد وجور عالمركب
زيد بنار كلبي وما عليك اعتاب
شوكي يزيد بيه شما تصير اصعب
أنه وشعري صفينه ابحضرتك نسّاك
والعب بالقصايد كيف ما تلعب
شعري لغير شخصك ياترف ناكوط
وبكاسك يالاسمر صار ينصب صب
لاموني شكثر رادوني امل طرواك
غربان وصفت من كل كتر تنعب
وادريهم شماته وجلجلوا عالروح
واحجاياتهم سم كرصة العكرب
ناسك ياترف بيها اليحبك زور
من تضحك فرح عالنار يتكلب
ينخلهم زمانك يكشف المغشوش
ويصفّي الطبايع مثل فص الشب
من نظرة هويتك واكبرت بحشاي
والشجرة العظيمة اتخضر من الحب
يابحر الحزن غركني موج الشوك
والغركان بخيوط الضوه يجللب
عذبني اعلى كيفك.. وابعد شما بيك
كلما زاد بُعدك.. حُبي سن ينظبّ
يالحتى بصدودك ياترف تنحب
يابحر الحزن..يمعاشر الاسرار
شد اشما تريد وجور عالمركب
زيد بنار كلبي وما عليك اعتاب
شوكي يزيد بيه شما تصير اصعب
أنه وشعري صفينه ابحضرتك نسّاك
والعب بالقصايد كيف ما تلعب
شعري لغير شخصك ياترف ناكوط
وبكاسك يالاسمر صار ينصب صب
لاموني شكثر رادوني امل طرواك
غربان وصفت من كل كتر تنعب
وادريهم شماته وجلجلوا عالروح
واحجاياتهم سم كرصة العكرب
ناسك ياترف بيها اليحبك زور
من تضحك فرح عالنار يتكلب
ينخلهم زمانك يكشف المغشوش
ويصفّي الطبايع مثل فص الشب
من نظرة هويتك واكبرت بحشاي
والشجرة العظيمة اتخضر من الحب
يابحر الحزن غركني موج الشوك
والغركان بخيوط الضوه يجللب
عذبني اعلى كيفك.. وابعد شما بيك
كلما زاد بُعدك.. حُبي سن ينظبّ
