تغريدات بنكهات مختلفة ^_^

[♥ تـنآهيــد أُنـثـى ♥]

رد: تغريدات بنكهات مختلفة ^_^

 

[اسير الضمير]

رد: تغريدات بنكهات مختلفة ^_^

لا ، بعد هيهات آحن وآبجي عليك .
كلّش ولا حتى كَطره .
كَبل يمّك تنزل دموعي دعاء ،
جي مشيت بروحي حضره .
وجان وجهك قبلتي ومحرابي ،
وجانت آنفاسك عطور آثيابي ،
من جنت تطبع اللمسه بجفي شذره .
وكان يا ما كان ، يا ذاك الزمان .
جان صوتك ساحر آيبخر صفنتي ،
ساحر آيعطر دمعتي .
ومدري ليش .....
دارت الدنيا وطفه عود البخور ،
وراح محرابي بفلك أسود يدور .
ذبل خد الجوري ذاك ونشف عطره ،
وصرت آشوفك رمل صحره .
بعد ليش آبجي عليك ؟
ليش أبجي ؟
الصحره من تشرب دموعي ، تبقى صحره ،
الدمعه عالما يشتهيني آتطيح كفره .
يل جنت لك عفّة الله ،
ودمعتي سجدة نبي وجفك آمصلّه ،
صرت أستشكل اذا أبجي عليك .
بعد ما أبجي عليك ، الدمعه كفره .
خاف من أبجي يظل بخاطر الله .

 

[تاج النساء]

رد: تغريدات بنكهات مختلفة ^_^

 

[اسير الضمير]

رد: تغريدات بنكهات مختلفة ^_^

انكشف كل الغطا وصار الحجي مكشوف
....................وعلى المسرح بعد مــــــــا ينفع التمثيل
نشف مـــــــــــــــاي الوجه وتحجّر الديوان
....................وبعد مـــــــــــا ظل جبين بحاجه للمنديل
يا صبغ الوجوه الســــود صــــيتك ضـــــاع
....................الحلو آمن آصله حلو ، مــو حلو بالتظليل
مـــــــن زغره الممثل باع روحــــــه ومـــات
.....................وللميت أبد مـــــــــــــــــا يرهم التجميل
دنيا آتدور بينا ومــــــــــــــــــــا لها مـــــيزان
.....................المـــــــــا يوزن الخطـوه بغير عثره آيميل
غابــــه بلا حـــــــــــــراثي وناس تاكل ناس
.....................واللكَمـــــه الســــمينه لمائــــــدة قابيل
العنده مخالب مــــــــــــــــــا يظل جــــوعان
......................والمـــــــــــــــــا له مخالب طاح بالزنبيل
مــــــــــــــن أول جــــرح باب الوحي مسدود
.....................والشيطان مــــــــــــــــا خذ دور جبرائيل
كل يوم اليمر اِبرهـــــــــــــــــه وكعبة نـــــــور
......................وكل عـــــام اليمر عالناس عــــام الفيل
بيارغ سابحه آبدم ، مـــــــــا تردها آصــــدور
........................ومـا ظل طير يرمي حجاره من سجيل
محنيه المناره خرســـــــــــــــــــه عالناقوس
.......................وكل مصــــــــــباح تاخذ درس بالانجيل
نـزعـت ثوبــــــــها وسـبحـت آبـــــدم الحيض
........................وظلت عاريه بلا ضــــــــــــوه ولا ترتيل
مثل ركَبة زرافــــــــــــــــه تبحث آعلى القوت
.........................ومـــــا تعرف متى ومنين آجه التنزيل
طفه ذاك الشــــــــــــــــــعاع بظلمة الحيطان
..........................لعيون الولايه جـــــــــــان ضي وميل
نهران الضــــــــــــــــــــــــماير فحط بيها الموج
.........................وكل يـوم آبنكَيصه وجيل يحسد جيل
زغرت كل جبيره الجانت آلنه آشـــــــــــــــراع
............................ونجوم السـمه طلعت آمن الغربيل
المهره الكديشــــــه صــــــــــــــاير آلها آجناح
.............................والمهره الأصـــيله آمحدده بزنجيل
عشّاك الرئاســــــــــــه المـــــــا لهم بسمار
............................بآلواح الكراسي ومـــــــا لهم تأويل
أمل عـــــــــــــــــــــدهم تظل آثيابهم للدوم
...............................وآمل عـدنا الثياب آيصيبهن تبديل
لا زالـت بطــــــــــــــــــون الأمــــــهات آتجيب
...............................لازم بطن مـنـها آتـجيب عــزرائيل

 

[نسيم الروح]

رد: تغريدات بنكهات مختلفة ^_^

 

[مـــجيـّدالسيــــد]

رد: تغريدات بنكهات مختلفة ^_^

يالمثلك جذب يرهم عليهه الروح
يالمفصل عليه وماصرت كـــــــوه
الغيرك مارهمنه وبس عليك انلوك
يالزعلان كافي نكلك شدعــــــوه
ماكلك تعال وشوف بيه الصار
تعال بداعتي ما حاجه للنخــــوه
بس حبك كتلني بغيره مامكتول
وادري انت الكتلني وماكلت هــــوه
الدنيه شكد جبيره بعيني هيج تصير
وذا ماشوف شخصك كلشي ما تســوه​

 

[‏أعہشہقہ أنہفہاسہكہ]

رد: تغريدات بنكهات مختلفة ^_^

ســــألت القلـــــب يوما ألم تجد غـــــيره لتعشقـــــــه قـــــال الحب قدري ونحـــــــن لا نكــــــتب الأقـــــــدار
ســـــألت القـــــلب يوما كيــــــف تستــــــطيع أن تصـــــبر قال آمـــــــنت بأن الحـــــب قدري وأن علـــــي الإنتــــــظار
ســـــألت القلــــــب يومـــــآ إلي متـــــــي ستحتمل عـــــــذابه قال عـــــــذابه حياة لــــي ومن مـــــنا لا يــــــعشق الحيــــــــاه سألت القـــــلب يوما أواثــــــق أنت من حبـــــــه قال لقـــــــد أكثـــــرت فلا تســــــألني فهـــــنا الطـــــريق منتهـــــــاه

 

[مـــجيـّدالسيــــد]

رد: تغريدات بنكهات مختلفة ^_^

 

[yara7]

رد: تغريدات بنكهات مختلفة ^_^

 

[مـــجيـّدالسيــــد]

رد: تغريدات بنكهات مختلفة ^_^

محتاجك حلم مرسوم عالنجمات
و خيوطه بذهب عالكمر مكتوبة
و محتاجك فرح بكلوب الحديثات
لو كعدن سوة بنيشان مخطوبة
و محتاجك خلك وسع الأرض يفلان
واشرحله الخواطر ليش متعوبة
و محتاجك قلب يبجي اعله روحي و ياي
من يصفن دليلي و يذكر ذنوبه
و محتاجك جدم ما توجعه الصدمات
و من تثكل بلوته يعاند دروبه
و محتاجك حضن روحي اتلفلف بيك
لو فزت غفل بالليل مرعوبة
محتاجك صدك مو بس حجي يهواي
مو كلمة و حروف بورق مكتوبة​