رد: تغريدات بنكهات مختلفة ^_^
هاي زينب عدمن اتعوفونها!!
،،،،،
يازمان الحققت سابع مُحال!
وال اميه الفرحوا ابمضمونهه
زينب الجانت مينشاف الخيال
هسه كل الوادم ايشوفونهه!
يا أسيره! اشلون! وبيا احتمال!
والجبال الجانوا ايحامونهه
صدو الطوفان وبيوم النزال
هيه فرصه وهاي اليريدونهه!
لفوا الكاع ونهر ماي الزلال
ومثل ورقه وكاموا ايلفونهه
والهوه المخنوك وبزود الرجال
إوقسموها وشتتوا بضعونهه
ياصفوف الضلت ابذاك القتال!
طشروها إوكاموا ايلكطونهه!
عَلموهم عالحرام إوعالحلال!
والمحاكم بيهم اينصبونهه
ياهذاك الجيش رهن الاعتقال
والسيوف الكعدوا ايثلمونهه!
رسمو التاريخ وادروب النضال
والكرامه الرفضوا ايبيعونهه!
ياجمال اليوصل الهذا الجمال!
وبهروا الدنيا وتشوف اعيونهه
والقصائد حلوه وكت الارتجال
إوياحلات ابحومه ويكولونهه
والجفوف الجانت ابكطع الجدال
ياحسافه وكدروا ايكطعونهه!
والله لوما بالغدر ماكو مجال
وهاالجفوف الهسه ويبوسونهه!
لكن انكتبت على هاي الجبال
اتصير ويه الكاع ويذبحونهه!
وال اميه امعلمه ابهل اغتيال!
والغدر شيمتهم ويدرونهه!
والعقيله الجانت ابخير ودلال
بالسياط وصاروا ايضربونهه!
ياجواب اليوصل الهذا السؤال
هاي زينب والمن اتعوفونهه!
هاي زينب والمن اتعوفونهه!
حسين االساعدي