رد: تغريدات بنكهات مختلفة ^_^
سوالف اهلنه
چانت أمهات كبل من تصير عصبيه تصيح ولك وينك مگموع ( لحد يسألني شنو مگموع )
ونوبات تگول من تشوف واحد وكيح ..شبي هذا كون مال النغز ( شباب مال النغز هاي بس الله يستر منهه )
ونوبات أسمع بعض الامهات من يريدن ينومن جهالهن يگولن نام وليدي نااااااااام ومن ما ينام يگولن ماتنام نامت عليك سليمه ( وأسليمه هاي ينرادلهه شرح يوم كامل)
لو نوبات يگولون وقز القرط ( هاي كلمه ما ادري منين جايبيهه وخلونه اندوخ بيهه ...يالله الله يسامحهم )
ونوبات البنات گبل من يشوفن شاب ما يعجبهن يگولن شوف هذا شايف روحه شوفه مال الغسل ( مال الغسل .. هاي بس الي مترسخ بالثقافه الروسيه يعرفهه )
و نوبات من نريد واحد يجي ويانه وما يرضى يجي على مرامنه نگله ايطبك طوووب ( طبعآ هاي مشكله من يسمعهه واحد ويزعل ..أنا ينگلي يطبك طوب يا كاع انشكي وطميني )وهوايه سوالف اهلنه
والله سوالف أهلنا تخبل .. وياليت الزمان يعود