جرحح..~

[صَـمْـﭟ آلـمَـڜَآعِرْ]

الجرح ماهو خاطـر شـوي ويـروق​

الجـرح حتـى لـو تشافـى يعللـك​

واذاك متحمـس متاهـات وطـروق​

انـا تعبـت اشـد حيلـي واحاولـك​

سماي ما شيّ شمس ورعود وبروق​

والريـح ماهبـت ولايجـري الفلـك​

والقلب ناشف بحر وشقوقـه شقـوق​

وشلـون بيكـوّن سحـاب ويبلـلـك​

يا ضامي انا الضما ومتشبع حـروق​

واذاك ضامي للمواصل .. انـا هلـك​

هلك ووقف في وجهي الاصل والذوق​

والمجتمع والعـرف والفقـر واهلـك​

متعومس وحـزن النبـلاء مرمـوق​

يعني لو احتاج الك ماجيتـك اسألـك​

اللي علي اشكـي واعاتبـك برفـوق​

واقـولـك ودي مـاعـاد اتأمـلـك​

مـن دورة الايـام ياخـوك مخنـوق​

الوقت مشاني مـن السلـك للسلـك​

ازل خطوه .. بس مـا ازل منطـوق​

ولو صارت ابحب خشمـك واجاملـك​

يبقـى البنـي ادم مجـرد ومخلـوق​

ملك .. ولكن في الحقيقه بـلا ملـك​

كذاب.. قايل كـل مطـرود ملحـوق​

سنيييين وانا اطردك وازريت لا اوصلك​

كنك تطيش وكنـي ادور فـي طـوق​

كل ما وصلت اخرك يطلعلـي اولـك​

ليت مافي خاطـري شـوق وحـروق​

ماكان حسيت ان انا بس مـن كلـك​

الشوق ماهو رعشه وقبضة عـروق​

وماهو اللي من شينك فعينك يجملـك​

وماهو شعور ياخالق الروح برفـوق​

وماهو سحر ولا ادري والله شقول الك​

انا سحابة حلم وتطيـر بـك فـوووق​

وتطـيـر ولا ودك انـهـا تنـزلـك​

الشوق هذا .. والا انا شوقي البـوق​

ماقد حصل في شوق هـذي ولا تلـك​

تدري وش اسوي ليا اضناني الشوق؟؟​

اسـوي بعيونـي كــذا f-: واتخيـلـك​

واقربـك واتـوق واتـوق واتــوق​

واكثـرك واحلـف ماعـاد اقلـلـك​

واصورك في الموق وتكبر على الموق​

وتطيح مع دمعي على ايـدي واقبلـك​

هذا غـلاي اللـي مـع الـدم مـدق​

وقولا عاد تسأل عن شعوري وازعلك​

محبة ماهيب مـن طـارف السـوق​

لو انـك توكـل.. كـان والله لاكلـك​

جيتك حقوق ورحت ماعنـدي حقـوق​

وان قلت ما احبك ابجحـد مواصلـك​

احبك .. الا يا بـري حالـي وعـوق​

من كثر ما احبك اخـاف انـي اقتلـك​

​

 

[الامبراطور]

رد: جرحح..~

كلمات جميلة وراقية
دمت بسعادة​

 

[Umkalthom]

رد: جرحح..~

كلام جميل غاليتي


ابدعتي

ودي":x

 

[صَـمْـﭟ آلـمَـڜَآعِرْ]

رد: جرحح..~

ششكراً لكم على ردودكــم آلرآئعه

نورتونـــي :x:

 

[تــﯛتــﮧ]

رد: جرحح..~

جرحح ,,
لن يطيب الى مدى الحياة

 

[ٵنفـآسڪ دفـآيے]

الشُكرَ مجُرَدَ حُروفٍ
ولَكِنْ التَقْديرُ لكـِ مِنَ الْقلبَ
شُكْرآ مِن القًلبٍ لطًرحكـ وأنآقة حُضوُوُركـ
مَودَتِي و تَقدْيِري وإحْتِرامْي .. ~ {

 

[صَـمْـﭟ آلـمَـڜَآعِرْ]

رد: جرحح..~

منــورين يـآ حبـآبين

 

[دلوعة حبايبها]

رد: جرحح..~

كلام جميل واسلوب رائع في النظم
سلمت يداك
تقبلي تحياتي
​

 

[ღ موج الانوثه ღ]

رد: جرحح..~

ماأجمل تلك المشاعر التي
خطها لنا قلمكِ الجميل هنا
لقد كتبت وابدعت