جمهورية فنلندا
بسم الله نبدأ ..
كوبيو .. (Kuopio)
منطقة صغيره .. عدد سكانها حسب الإحصائيات الموجودة في الانترنت ما يتعدى ال 100 الف نسمة .. توقيتها الزمني زي توقيت الرياض ..
فيها مطار محلي يودي الى العاصمة هلسنكي .. و محطة قطارات و محطة باصات ..
ساحة المدينة فيها كل شيء .. سوق الخضار و سوق اللحم .. و محلات السوبر ماركت .. و اسواق الملابس .. و المطاعم ... و السينما .. و محلات الادوات الكهربائية و فيها تقام الاحتفالات .. و الاستعراضات الموسيقية ..
يوجد في كوبيو مركز تجاري يفتح على ايكيا ..
اوقات عمل المحلات الكبيرة من الساعه 9 صباحاً الى الساعة 8 مساءً .. و اسواق السوبر ماركت الى الساعه 9 مساءً
المطاعم تسكر على الساعه 10 مساءً و بعضها على الساعه 11 مساءً
بالإضافة الى المحطات اللي على الطرق السريعة اللي تكون فاتحة 24 ساعه وفيها مقاضي يوميه يقدر الواحد يشتري منها ..
الطقس .. في الصيف و تحديداً شهر 6 ميلادي .. يكون النهار فيها طويل جداً إلى درجه لا تُطاق .. كانت تشرق الشمس الساعه 3 الصباح و تغرب الساعة 11 ونص .. و بحكم ان اليل قليل جداً .. ما يكون فيه عتمة في الليل .. لذا الواحد يحس بارهاق جسدي و تعب و عدم قدرة على النوم بحكم عدم وجود بلاك اوت زي العالم و الناس .. و للأسف كان وقت رمضان ..
الصوره هذي اختها الساعه 2 في الليل في رمضان ..
لاحظوا ما فيه ليل أبداً
اما الاجواء في نهاية اوقست .. تشرق الشمس الساعه 5 ونص و تغيب 9 الا ربع .. وكان في ظلماء أخيراً و قدر الواحد ينام
على حسب كلام اهل البلد .. في الشتاء يكون النهار قصير جداً و الليل طويل جداً ..
درجات الحرارة في عز الصيف ما تتعدا ال 26 درجة و في الشتاء توصل الى -28 درجه مئوية
والامطار كل يومين او ثلاثه في الصيف ..
الاوقات اللي رحت فيها كانت درجة الحرارة تتراوح بين ال 26 الى 8 درجات تعتمد على حسب الوقت و تغيرات الجو من يوم لآخر
الصور تم أخذها بكاميرا جوال .. لذا عذراً على رداءة التصوير ..
صورة من غرفة الفندق تطل على الساحة الرئيسية في وسط المدينه ... اللي يصير فيها كل شيء .. و كل شيء حولها
صوره للفندق .. و جنبه بعض المحلات و المطاعم
بعض التجهيزات في الساحه .. عشان نهاية الاسبوع
مبنى البلديه حقهم ..
سوق اللحوم و السمك ..
صورة لمتحف المدينة .. جنبه حديقه ترد الروح ..
صورة ثانيه للمتحف ..
الحديقة اللي جنب المتحف فيها كنيسه قديمة .. جالسين يرممونها .. يقولون انها اقدم مبنى في المدينه
صوره للشارع اللي بين وسط المدينة .. و اقرب بحيرة .. عليها كم مطعم و جولات بالقوارب
البحيره
صوره لوحده من البحيرات القريبه من المدينه .. في الطريق الى العمل
صوره بانوراميه .. لنفس البحيرة اللي فوق
صوره على السريع للطريق اليومي اللي امشيه للعمل ..
كوبيو عندهم هضبه .. بانين عليها زي البرج .. يقولون انه تم استخدامه في الحرب العالميه الثانيه خلال حربهم مع الروس .. المنطقه هذيك فيها مطعم .. و فيها اماكن للتمشيه و الكشتات .. و بعض الاكواخ
البرج ارتفاعه حدود ال 306 عن سطح البحر .. و ارتفاعه عن ارض الهضبه 75 متر
فيه زي الكفي و المطعم و الواحد يقدر يرقاه بمبلغ رمزي 5 يورو او 6 .. و يستمتع باالجواء الجميله
م/ن
