حب بين زمنين

[آهات حالمه]

حب بين زمنين
......................
ياعمي حب ذاك الوكت..
يمه السوالف تحله..
مرات ينشاف الولف..
بس بالنظر يتسله...
بالصدفه لو كرب اله..
من شوفه تشفه العله..
ولو سولف بطاري الوفه..
يوفي الخليل الخله...
ومن كثر اشواك الولف..
للموت ابد ميمله.
والليل من يكظي سهر..
لوصل المحب يحسبله..
هيهات جدام الخلك..
طاريه مايكربله..
يصون المحبه بكل عقل..
ومايكرب الكل فشله..
ويحسب احساب الكل عرف..
ويحذر اكيد من اهله..
ياحيف حب هذا الوكت
اليحب بي يتسله..
يتباهه بي يم البشر..
جن. صيده اله وترجعله..
مغرور يصبح كل وكت..
ميهمه من يتخله..
الحب مثل سلعه صبح..
يرخص ابد مايغله..
الحب صبح بيع وشره..
ياوسفه أكبر ذله.
من يعثر ابدا مايهم..
وبكل بساطه يخذله
............................................
بقلم ابو عقيل الدغاري المطوكي

 

[الرااااكد]

نقل طيب الاخت
آهات حالمه
سلمت يدااك لاخلا ولاعدم
دمتم بووووذ

 

[آهات حالمه]

شكرا للمرور الذي عطر المكان
ونشر بشذاه أركان موضوعي

 

[رمااد اانسان]

اختيار موفق يستحق الشكر والثناء
يسلمووو على النقل والمجهود
أرق تحية طيبة