حتى الليل بعدك مات

[آهات حالمه]

دفنت وياك ترجيه وكمر مكسور
ونجمه مغمسه بدمعة
وندى بايت من زفه
ونهد ثوري رفض مابايع لا شفافك الترفه

دفنت وياك حلمي وثمر سالفتي
وضواي وكحلتي وليلي وطعم شفتي

بغيابك لا مطر لا عشب لا نايات
لا شبكات لا لمسات
بغيابك لا نجم حولي بحضني وبات
حتى الليل بعدك مات
حتى النوم بعدك مات
طفت مهرة ضواك بعين المرايات

وردت خاليه من الحمل قافلتي
بغيابك ماغمض جفني بحياتك يوم
بغيابك طفيت عيوني مگحلتي
غيابك مو سهل اصبح جزيرة موت
والحرمان يشرب جمر عاطفتي

تذكر من تصبلي الندى بكاس النوم
وتكاسرلي غنج واشرب بمعرفتي
وتتخفى واصيدك مو علم بالغيب
بس ريحة قميصك تضل بوصلتي
و ارسم عـ مخده طيور مكسورات
ويجي طيرك ويروي طيور خاطرتي

تذكر من اغمض عيوني وانت تغيب
وادورك وانت عني تبات متخفي
تمطر وحشتك و يورد النفنوف
وبـ ورده قمصيك تنام وتغفي
احس طليع جسمك فزز التفاح
شتعل بستان صدري وناري ماتطفي

واغفى بحضن حسنك واضحك اعلى الريح
اذا كاروك حضنك طفل منزلتي
اصابيعك حرز من تمس نهدي ينام
اذا شلت الحرز مانام مشگلتي






عماد المطاريحي

 

[ألـــــ غصة ـــــــم]

راقي غاليتي

 

[قيصر الحب]

بدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي